Urkunde Nr. 1895 aus Band IV

Seite im UB:

146

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 35.

Druckvorlage:

nach Original

Abdruck als:

Volltext

Sprache:

Latein

---

1895

Wissegrad 1421 August 11. ^a) König Sigmund verleiht der Stadt Broos das Recht der freien Richterwahl.

Von der Kanzlei: Commissio propria domini regis.

Nos Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex memoriae commendamus tenore praesentium significantes quibus expedit universis, quod nos ad civitatis nostrae Zazwarus vocatae in partibus nostris Transsiluanis habitae curas oculos nostrae piae considerationis convertentes, civibus, populis et hospitibus ac toti communitati eiusdem nostrae civitatis Zazwarus annuimus et gratiose concessimus, ut ipsi dum eorum voluntati placuerit, pro iudice ipsorum quem ipsi maluerint, totiens quotiens ipsis opus fuerit eligendi atque deputandi plenam et omnimodam habeant potestatis facultatem praesentium patrocinio et testimonio mediante. Quocirca vobis fidelibus nostris magnificis Nicolao de Chaak, partium nostrarum Transsiluanarum praedictarum vaivodae necnon universis et singulis Saxonibus septem sedium Saxonicalium earundem partium nostrarum Transsiluanarum firmissime praecipimus et mandamus, quatenus dum et quandocumque praefati cives, populi, hospites vel tota communitas dictae¹⁾ nostrae civitatis Zazwarus quemcumque maluerint in eorum iudicem elegerint vos quoque super hoc requisiti fueritis, ex tunc ipsum iudicem in huiusmodi iudicatus honore debeatis confirmare. Aliud non facturi in praemissis gratiae nostrae sub obtentu. Praesentes etiam perlectas semper reddi iubemus praesentanti. Datum in Wyssegrad, feria secunda proxima post festum beati Laurentii martyris, anno domini M^mo CCCC^mo XXI^o, regnorum nostrorum anno Hungariae et cetera XXV^to, Romanorum XI^o, Bohemiae secundo.

Unter dem Siegel: Commissio propria domini regis. [S. 147]


a) Ausstellungsort im UB als: Plintenburg/Visegrád.^{^}

1) Von späterer Hand mit dunklerer Tinte nachgetragen. ^{^}