Urkunde Nr. 1913 aus Band IV

Seite im UB:

165-166

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie I (Inventar 223), Nr. 350 - Abt. 13: K. A. Mediasch [Parohia Ev. CA Mediaş], Nr. 161 (alt Nr. 207).

Druckvorlage:

nach Original

Abdruck als:

Volltext

Sprache:

Latein

---

1913

Grosswardein 1422 Juni 7 König Sigmund bestätigt die Urkunde des siebenbürgischen Woiwoden Nikolaus von 1421 Nr. »1901 mit der Entscheidung des Streites zwischen den Gemeinden Furkeschdorf und Meschen.

Von der Kanzlei: Relatio Nicolai de Chaak
vaivodae Transsiluani.

Nos Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex memoriae commendamus tenore praesentium significantes quibus expedit universis, quod providus Michael Locz hospes de Musna nostrae maiestatis accedens in praesentiam nomine et in personis universorum hospitum nostrorum de eadem Musna exhibuit nobis quasdam literas fidelis nostri magnifici Nicolai de Chaak, vaivodae partium nostrarum Transsiluanarum, seriem et formam cuiusdam adiudicationis infrascriptae in se exprimentes, tenoris subscripti, supplicans culmini nostro nominibus quibus supra prece humili et devota, ut easdem literas ratas et gratas habendo nostrisque literis verbotenus transcribi et transsumi faciendo ipsis et earundem continentiis necnon adiudicationi in eisdem expressatae nostrum regium consensum praebere dignaremur. Quarum tenor talis est. (Folgt die Urkunde des Woiwoden Nikolaus von 1421 Nr. »1901.) Nos igitur piis supplicationibus in personis dictorum hospitum nostrorum modo quo supra maiestati nostrae porrectis regia liberalitate inclinati praescriptas literas annotati Nicolai vaivodae non abrasas, non cancellatas nec in aliqua sui parte vitiatas sed omni pror- [S. 166] sus suspicionis vitio destitutas ratas gratas et acceptas habendo de verbo ad verbum sine diminutione et augmento aliquali praesentibus literis nostris patentibus transcribi et transsumi faciendo eisdem necnon praescriptae adiudicationi et omnibus aliis in eisdem expressatis nostrum regium consensum praebemus benivolum et assensum, harum nostrarum vigore et testimonio literarum mediante. Datum Waradini in festo sanctae trinitatis, anno domini millesimo quadringentesimo vigesimo secundo, regnorum nostrorum anno Hungariae et cetera tricesimo sexto, Romanorum duodecimo et Bohemiae secundo.