Urkunde Nr. 1915 aus Band IV

Seite im UB:

167-168 ^a)

Druckvorlage:

nach Original

Abdruck als:

Volltext

Sprache:

Latein

---

1915

Neppendorf 1422 September 27 Das Hermannstädter Kapitel bezeugt, dass der Zehnte von Rungemuld und Styngebrun von Alters her zur Marienkirche in Salzburg gehört hat.

Nos²⁾ capitulum Cibiniense significamus tenore praesentium quibus expedit universis, quod anno domini millesimo quadringentesimo vicesimo secundo, die XXVII mensis Septembris congregatis nobis in villa Epponis ob fraternitatis celebratione comparuit coram nobis honorabilis vir dominus Caspar, plebanus in Wyzakna confrater capituli nostri, requirens nos debila cum instantia perhibere testimonium veritati sub bona fide et pura conscientia, videlicet quid nobis tam ex fama quam scientia constaret de decimis duorum territoriorium Rungemuld et Styngebrun vocatorum, quae territoria inter Wyzakna et Stolczberg sita noscuntur. Et quia vota iusta petentium non immerito sortiri debent effectum, ideoque nos capitulum praefatum ad inquisitionem et requisitionem eiusdem domini Casparis plebani de Wyzakna non ex amore et rancore cuiuscumque sed solum intuitu dei et iustitiae omni dolositate circumscripta³⁾ sub fide pura et recta conscientia fatemur, dicimus et recognoscimus tam ex fama communi omnium vicinarum plebium quam ex certa scientia, quod decimae dictorum territoriorum Rugemuld et Styngebrun semper et a tanto tempore praeterito, quod contrarium non est [in] ⁴⁾ memoria hominum pertinuerunt ad ecclesiam beatae virginis Mariae in Wyzakna, ita quod omnes plebani de Wyzakna qui fuerunt pro tempore, quorum octo sunt in memoria veteranorum successive collegerunt, receperunt et ad usus suos converterunt decimas eorundem territoriorium pacifice, libere et quiete usque moderna tempora proxime praeterita, tunc honorabilis vir dominus Michael nunc plebanus in Stolczberg, confrater noster easdem decimas de Rugemuld et Styngenbrun sibi alienare et iudicialiter de facto appro- [S. 168] priare quantum potuit attemptavit. In cuius rei memoriam praesentes duximus praetacti capituli nostri sigillo munimine consignandas. Data die et anno quibus supra.

Auf der Rückseite von einer Hand des 15. Jahrhunderts: Literae testimoniales capituli Cibiniensis Strigoniensis diocesis.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2-4 auf S. 167 (1 zu voranstehender Urkunde).^{^}

2) In verzierter Ausführung. ^{^}
3) Vorlage: circumspta.^{^}
4) Lücke: 0.7 cm. ^{^}