Urkunde Nr. 1929 aus Band IV

Seite im UB:

187-188

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 63.

Druckvorlage:

nach Original

Abdruck als:

Volltext

Sprache:

Latein

---

1929

Kaschau 1423 April 28 König Sigmund befiehlt Petrus, dem Comes der Sekler, das Wald- und Wasserrecht der Bewohner von Kronstadt nicht zu beeinträchtigen.

Von der Kanzlei: Commissio propria domini regis.

Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex, fideli nostro magnifico Petro filio quondam Detrici palatini de Pelsewcz comiti Siculorum nostrorum salutem et gratiam. In personis civium et totius communitatis civitatis nostrae Brassouiensis nostrae exponitur maiestati gravi sub querela, quomodo vos vestrique officiales et castellani circa pertinentias districtus civitatis praedictae constituti contra privilegiatas libertates civium praedictorum eis a diu datas et concessas antiquasque consuetudines silvas et aquas in et circa districtum civitatis praedictae existentes more alias consueto uti et frui non permitteretis, plurima impedimenta et damna eis exinde inferendo in eorundem praeiudicium et damnum multum ingens. Supplicatum ilaque exstitit in personis eorundem maiestati nostrae, ut eis circa praemissa remedium adhibere dignaremur opportunum. Et quia nos praescriptos cives civitatis nostrae praedictae in utensione silvarum et aquarum praedictarum eorum antiquis consuetudinibus et privilegiatis libertatibus illibate frui volumus et gaudere, igitur fidelitati vestrae firmiter praecipientes mandamus, quatenus a modo in posterum et deinceps prae- [S. 188] scriptas silvas et aquas omnino et totaliter iuxta antiquas consuetudines et libertates eorundem civium, prout in literis eorum super huiusmodi libertatibus emanatis continetur, libere et absque omni impedimento uti permittatis et permitti faciatis, secus nullalenus facere praesumentes. Praesentes quoque post earum lecturam reddi iubemus praesentanti. Datum Cassouiae, feria quarta proxima post festum beati Georgii martyris anno domini millesimo quadringentesimo vigesimo tertio, regnorum nostrorum anno Hungariae et cetera tricesimo septimo, Romanorum tredecimo et Bohemiae tertio.

Unter dem Siegel: Kanzleivermerk.

Auf der Rückseite vom Schreiber der Urkunde: Brassouienses.

Von gleichzeitiger Kronstädter Hand: Privilegium ut castellani non impediant Brassouienses in usu libero aquarum et silvarum 1423.