Urkunde Nr. 1951 aus Band IV

Seite im UB:

213-214

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie I (Inventar 223), Nr. 496 - Abt. 21: K. A. Hermannstadt [Parohia Ev. CA Sibiu], Nr. 6.

Druckvorlage:

nach Original

Abdruck als:

Volltext

Sprache:

Latein

---

1951

Ofen 1424 Juni 3 König Sigmund bestätigt die Urkunde der Sieben Stühle von 1424 Nr. »1946 mit der Urkunde dieser Sieben Stühle von 1378 Nr. »1086 und der Urkunde Ludwig I. von 1376 Nr. »1059, den Verlauf der Grenzen zwischen Grosspold und Tetscheln betreffend.

Nos Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex memoriae commendamus tenore praesentium significantes quibus expedit universis, quod fideles nostri circumspecti et providi Jacobus magister civium nostrae civitatis Cybiniensis et Laurencius comes de Weresmarth nostrae maiestatis venientes in praesentiam in personis fidelium nostrorum providorum universorum et singulorum Saxonum in villa Apoldia vocata ad septem sedes Saxonicales partium nostrarum Transiluanensium spectantis residentium exhibuerunt nobis quasdam literas iudicum et iuratorum seniorum et universitatis Saxonum dictarum septem sedium Saxonicalium partium praedictarum patenter emanatas tenorem quarundam literarum iudicum seniorum et universitatis septem sedium provinciae Cibiniensis continentiam literarum quondam serenissimi principis domini Lodouici regis felicis recordationis patris et soceri nostri carissimi super factis in eisdem contentis con- [S. 214] fectarum in se habenies¹⁾ tenoris infrascripti, supplicantes nostrae maiestati humili precum instantia, ut easdem literas simulcum tenoribus praedictis in eisdem contentis ratas, gratas et acceptas habendo nostrisque literis inseri et transscribi faciendo omnibus in eisdem contentis nostrum regium consensum praebere dignaremur pariter et assensum. Quarum tenor talis est. (Folgt die Urkunde der Sieben Stühle von 1424 Nr. »1946 mit der Urkunde der Sieben Stühle von 1378 Nr. »1086 und der Urkunde Ludwig I. von 1376 Nr. </vw>1059.) Nos itaque qui ex suscepti sceptri regii iure et officio cunctorum nobis fideliter obsequentium pro eorum servitiis condigna tenemur impendere praemia meritorum consideratis et in memoriam mentis nostrae reductis praefatorum Saxonum in praetacta villa Alpoldia²⁾ residentium fidelibus servitiis per ipsos nostrae maiestati inter ceteros Saxones septem sedium Saxonicalium praedictarum iuxta possibilitatis eorum exigentiam Turcorum et aliarum scismaticarum gentium ipsis Turcis adhaerentium hostilibus³⁾ insultibus viriliter resistendo et se pro nostri regii honoris exaltatione fortunae casibus exponendo exhibitis et impensis, per quos insultus variis saepe viribus diversis perturbationibus afflicti et angustiati dampna gravia ac oppressiones et incommoda dinoscuntur pertulisse, volentes siquidem intuitu praemissorum servitiorum eorum nostram benivolentiam regiam ipsis exhibere favorosam ut idem nostra regia remuneratione et retributionis beneficio exhilarati ad servitia nostra regalia se eo magis studeant reddere proniores supplicalionibus praefatorum Jacobi et Laurencii per ipsos nostrae maiestati nominibus quibus supra porrectis et exauditis et clementer admissis praedictas literas iudicis et iuratorum seniorum ac universitatis praedictae eatenus quatenus rite et rationabiliter sunt emanatae et vires earum veritati suffragantur ratas, gratas et acceptas habendo praesentibusque literis nostris sine diminutione et augmento aliquali transscribi et transsumi faciendo eisdem et earum singulis continentiis in quantum ad id de iure admittimur⁴⁾ nostrum regium consensum praebuimus benivolum et assensum immo praebemus salvo iure alieno harum nostrarum quibus sigillum appensum est testimonio literarum mediante. Datum Budae tertio die ascensionis domini, anno eiusdem millesimo quadringentesimo vigesimo quarto, regnorum nostrorum anno Hungariae et cetera tricesimo octavo, Romanorum quarto decimo et Bohemiae quarto. [S. 215]


1) Vorlage: hnbn [Abkürzungsstriche über beiden n].^{^}
2) Insert von 1432: Apoldia.^{^}
3) Insert von 1432: hostibus.^{^}
4) Gebessert aus: ammittimur.^{^}