Urkunde Nr. 1975 aus Band IV

Seite im UB:

248-249

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 66.

Druckvorlage:

nach Original

Abdruck als:

Volltext

Sprache:

Latein

---

1975

Pressburg 1426 Februar 3 König Sigmund befiehlt den Kastellanen der Törzburg, von den nach Kronstadt reisenden Kaufleuten der Walachei keine unzulässigen Abgaben einzuheben, und die Bewohner von Kronstadt in ihren Freiheiten nicht zu beeinträchtigen.

Von der Kanzlei: Commissio propria domini regis.

Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex fidelibus nostris castellanis et vicecastellanis castri nostri Tercz vocati necnon tricesimatoribus et tributariis ad idem castrum nostrum pertinere consuetis salutem et gratiam. Pro parte fidelium civium et hospitum nostrorum Brassouiensium celsitudini nostrae expositum exstitit gravi cum querela, quomodo vos, obmissa et postposita vera consuetudine in exactione tricesimae et tributi ad nostrum dictum castrum Tercz exigi solitarum observari debenti, ab omnibus et signanter Valahis ad ipsam nostram civitatem de diversis et signanter Transalpinis partibus cum eorum rebus et mercibus venientibus et de eo recedentibus eorundemque rebus et mercibus superfluam indebitam et iniustam tricesimam et tributum reciperetis recipique et extorqueri faceretis, ratione cuiusquidem superfluae indebitae et inconsuetae tricesimae et tributi exactionis et extorsionis tandem dicti nostri cives seu mercatores Brassouienses dum ipsas Transalpinas et alias partes in eorum victuum acquisitione¹⁾ perlustrantes pervenirent per tricesimatores et tributarios in ipsis Transalpinis et aliis partibus constitutos diversimode impedirentur atque turbarentur ac ad dupli receptorum tricesimae et tributi solutionem astringerentur in eorum praeiudicium et damnum valde grandum. ²⁾ Et quia nos neminem mercatorum seu aliorum hominum ad solutionem indebitae et inconsuetae tricesimae et tributi solutionem per vos adstringi volumus, igitur fidelitati vestrae firmiter praecipientes mandamus, secus habere nolentes, quatenus a modo in antea et in posterum a quibusvis mercatoribus et viatoribus ad loca huiusmodi tricesimae et tributi pervenientibus eorumque rebus et mercibus quamcumque superfluam, indebitam, iniustam et inconsuetam tricesimariam et tributariam solutionem seu exactionem petere seu exigere petique seu exigi facere nequaquam praesumatis, sed eos, recepta ab eis ac mercibus et rebus ipsorum iusta debita et consueta tricesimaria et tributaria solutione libere, tute et quiete abire et recedere permittatis, ipsos etiam cives et hospites nostros Brassouienses in eorum libertatibus et lau- [S. 249] dabilibus consuetudinibus impedire molestare et turbare nequaquam audeatis modo aliquali. Et aliud facere nequaquam praesumatis prout nostram maiestatem gravissime offendere formidatis. Praesentes etiam perlectas semper reddi iubemus praesentanti. Datum Posonii, secundo die festi purificationis virginis gloriosae, anno domini MCCCCXXVI^o, regnorum nostrorum anno Hungariae et cetera XXXIX^o, Romanorum XVI^o et Bohemiae sexto.

Unter dem Siegel von der Kanzlei: Commissio [propria domini regis].

Von der Kanzlei unten Mitte: Brassoviensibus.

Unten rechts: Lecta.


1) ac auf Rasur. ^{^}
2) е getilgt und um nachgetragen. ^{^}