Urkunde Nr. 1984 aus Band IV

Seite im UB:

262-263

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 833 - Abt. 21: K. A. Henndorf [Parohia Ev. CA Hendorf / Brădeni], Nr. 1.

Druckvorlage:

nach Original

Abdruck als:

Volltext

Sprache:

Latein

---

1984

Kronstadt 1426 Dezember 24 König Sigmund verleiht der Gemeinde Henndorf das Wochenmarktrecht.

Von der Kanzlei: Commissio propria domini regis.

Nos Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex memoriae commendamus tenore praesentium significantes quibus expedit universis, quod nos tum ob augmentum possessionis nostrae Hendorff alio nomine Hegen vocatae ad sedem Saxonum nostrorum Segeswar vocatam pertinentis ac utilitatem, profectum et commodum hospitum [S. 263] et iobagionum nostrorum in eadem commorantium, tum etenim supplicationibus providorum Georgii Bertorth villici et Mychaelis dicti de Dalya hospitis de dicta Hendorff in personis universorum inhabitatorum ipsius possessionis nostrae Hendorff nostrae maiestati porrectis inclinati, ad eandem possessionem nostram Hendorff alio nomine Hegen appellatam forum liberum singulis feriis tertiis in omni hebdomada perpetue celebrandum gratiose duximus annuendum et concedendum absque tamen praeiudicio fororum comprovincialium aliorum. Vos itaque fideles nostros universis et singulos mercatores, institores et alios forenses homines atque viatores praesentibus assecuramus, quatenus ad dictum forum liberum in dicta possessione nostra singulis feriis tertiis in omni septimana per nos modo quo supra perpetue celebrari commissum; simul cum omnibus rebus vestris mercimonialibus secure et absque omni pavore seu formidine rerum et personarum vestrarum veniatis, properetis et accedatis peractisque negotiationibus vestris in emptionibus et venditionibus foro in eodem redeatis ad propria vel alia quae malueritis loca salvis rebus vestris et personis sub nostra protectione et tutela speciali. Et hoc volumus per fora et alia loca publica ubi opus fuerit palam facere proclamari. Datum in civitate nostra Brassouiensi, in vigilia festi nativitatis domini, anno eiusdem millesimo quadringentesimo vigesimo sexto, regnorum nostrorum anno Hungariae et cetera XXXX^o, Romanorum XVII^o, Bohemiae septimo.

Unter dem Siegel: Commissio propria domini regis.