Urkunde Nr. 1989 aus Band IV

Seite im UB:

267-268 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1989

Kronstadt 1427 Januar 9 König Sigmund bestätigt seine Urkunde von 1419 Nr. »1855, über den Schutz des Ladislaus und Johann von Brenndorf.

Von der Kanzlei: Commissio propria domini regis.

Nos Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex memoriae commendamus tenore praesentium significantes quibus expedit universis, quod fidelis noster Ladislaus filius Nicolai de Bothfalwa nostrae maiestatis accedendo in praesentiam in sua ac Johannis¹⁾ filii Johannis¹⁾ de eadem fratris sui generationalis personis exhibuit et praesentavit nobis quasdam literas nostras praeceptorias sub praesenti secreto sigillo nostro pro parte ipsorum patentes confectas tenoris subsequentis, supplicans maiestati nostrae humili precum instantia, ut easdem literas ratas, gratas et acceptas habendo in formam literarum nostrarum similiter patentium verbotenus transscribi et transsumi facere dignaremur. Quarum tenor sequitur in haec verba. (Folgt die Urkunde König Sigmunds von 1419 Nr. »1855.) Nos itaque praemissis supplicationibus memorati Ladislai per eum maiestati nostrae ut praefertur suo²⁾ et dicti fratris sui nominibus humiliter oblatis favorabiliter auditis³⁾ et admissis praescriptas literas nostras quoad omnes earum clausulas, continentias et articulos ratas, gratas et acceptas habentes de verbo ad verbum sine diminutione et augmento aliquali praesentibus literis nostris⁴⁾ similiter patentibus transscribi, transsumi et inseri faciendo [S. 268] eisdem Ladislao et Johanni¹⁾ duximus concedendas iuris eorum ad cautelam harum nostrarum vigore et testimonio literarum mediante. Datum Brassouiae, feria quinta proxima post festum Epiphaniarum domini, anno eiusdem millesimo quadringentesimo vigesimo septimo, regnorum nostrorum anno Hungariae et cetera XL^o, Romanorum²⁾ decimo septimo et Bohemiae septimo.

Unter dem Siegel Kanzleibemerkung.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-4 auf S. 267, 1-2 auf S. 268 (dortige 3-6 zu nachfolgender Urkunde).^{^}
[S. 267]
1) 1523: Joannis. [2x]^{^}
2) Ebenda: suo ut praefertur.^{^}
3) Ebenda: exauditis.^{^}
4) Ebenda: nostris literis.^{^}
[S. 268]
1) Ebenda: Joanni.^{^}
2) Ebenda: Romani.^{^}