Urkunde Nr. 1993 aus Band IV

Seite im UB:

271-272 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 834 - Abt. 21: K. A. Henndorf [Parohia Ev. CA Hendorf / Brădeni], Nr. 2.

Druckvorlage:

nach Original

Abdruck als:

Volltext

Sprache:

Latein

---

1993

Kronstadt 1427 Januar 27 König Sigmund verleiht der Marktgemeinde Henndorf das Jahrmarkt recht der königlichen freien Städte.

Von der Kanzlei: Commissio propria domini regis.

Nos Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera memoriae commendamus per praesentes quod nos sicuti ad devotae et humillimae supplicationis instantiam fidelium nostrorum providorum Gewryg Bertegh villici ac Hans Berharth hospitis oppidi nostri Hendorf vocati in eorum universorumque populorum hospitum ac incolarum in eodem oppido commorantium personis sic non minus pro commodo, utilitate et profectu tam regni nostri et regnicolarum nostrorum quam etiam populorum, hospitum ac incolarum oppidi nostri Hendorf praedicti pro aliquali eorum sublevamine ad idem oppidum nostrum Hendorf nundinas liberas seu forum annuale annis singulis in omni festivitate beati Andreae apostoli ceterisque diebus huiusmodi festum praecedentibus et subsequentibus omnino sub eisdem libertatum praerogativis, quibus nundinae liberae seu fora annualia aliarum liberarum civitatum nostrarum regalium sunt insignitae celebrarique et continuari consueverunt, perpetue celebraturas duximus annuendas et gratiose concedendas, immo annuimus et concedimus praesentium per vigorem absque tamen praeiudicio nundinarum liberarum aliorum. Quapropter vos universos et singulos mercatores, institores atque viatores et quoslibet alios tam intran[eos vel]¹⁾ extraneos quam forenses homines prae- [S. 272] sentibus affidamus et assecuramus, certificamus et securos reddimus, quatenus ad h[uiusmodi nundinas liber]as¹⁾ in omni festivitate beati Andreae apostoli²⁾ modo quo supra in praedicto oppido Mendorf appellato celebrari et continuari concessas et commissas simul cum omnibus rebus et bonis vestris tam mercimonialibus quam aliis quibusvis secure et absque pavore seu formidine personarum ac rerum vestrarum veniatis, properetis et accedatis, peractis quoque emptionibus et venditionibus atque aliis negotiationibus vestris nundinis in eisdem redeatis ad propria vel ad alia quae malueritis loca sub protectione et tutela nostrae maiestatis speciali.³⁾ Et hoc volumus in foris et aliis locis publicis necessariis palam facere proclamari atque promulgari. Datum Brassouiae feria secunda proxima post festum conversionis beati Pauli apostoli, anno domini millesimo quadringentesimo vigesimo, regnorum nostrorum anno Hungariae et cetera XL^o, Romanorum decimo septimo et Bohemiae septimo.

Unter dem Siegel: Commissio propria domini regis.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 271, 1-3 auf S. 272 (dortige 4 zu nachfolgender Urkunde).^{^}
[S. 271]
1) Lücke 1 cm.^{^}
[S. 272]
1) Lücke 2.6 cm.^{^}
2) November 30.^{^}
3) Vorlage: specialia.^{^}