Urkunde Nr. 2005 aus Band IV

Seite im UB:

285-287

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

2005

Sankt Georgen 1427 Mai 6 ^a) König Sigmund gibt dem Weissenburger Kapitel den neuen Verhandlungstermin in der Streitsache zwischen Demetrius, Sohn des Andreas von Gaath, und Genossen und Anthonius von Somkerek und Genossen, Weingartskirchen, Birnbaum, Rothkirch, Gergeschdorf, Troschen, Ringelkirch, Benzenz, Rehondorph und Dumitra/Demeterpataka betreffend, bekannt.

Von der Kanzlei: Comissio propria domini regis.

Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex fidelibus nostris Capitulo ecclesiae Transsiluaniae salutem et gratiam. Veniens nostrae maiestatis in praesentiam fidelis noster Demetrius filius quondam Andreae de Gaath nobis in sua ac Johannis Gereb de Vengarth fratris sui condivisionalis personis curavit declarare eomodo quomodo iidem Johannes Gereb et quondam Andreas pater ipsius Demetrii in causam per Anthonium de Somkerek ac Johannem de Swk et alterum Johannem de Sombor in facto certarum portionum ipsorum possessionariarum in possessionibus Vengarth praedicta alio nomine Chybay, item Chata alio nomine Byrbo, Wereseghaz, Gergurfaya, Drason, Regurkerth, Hahthotelek alio nomine Benchench, Vynchench, alio nomine Rehondorph et Demeterpataka vocatis in hiis partibus nostris Transsiluanis existentibus habitarum dudum in praesentia dictarum partium nostrarum Transsiluanarum vaivodae mota literis et literalia ipsorum instrumenta super ipsis portionibus eorum possessionariis confecta eoque extunc ab ipsis Johanne Gereb et quondam Andreae casualiter alienata fuissent producere et exhibere non voluissent. Quam ob rem iidem Anthonius et uterque Johannes contra eosdem Johannem Gereb et quondam Andream patrem ipsius Demetrii sententiam taliter qualiter per terminorum completiones reportassent diffinitivam vigore cuius easdem portiones eorum possessionarias in praetactis possessionibus habitas occupassent et sibi ipsis statui facere procurassent occupatasque conserva- [S. 286] rent ac fructus et proventus earundem perciperent de praesenti in praeiudicium dictorum exponentium non modicum. Cum tamen ipsi Johannes Gereb et Demetrius certis literis mediantibus super huiusmodi portionibus possessionarias confectis tam per ipsos Johannem Gereb et quondam Andream in decisione ipsius causae non productis quam per ipsum Demetrium ex post reinventis ipsos portiones possessionarias sibi ipsis de iure pertinere debere possent comprobare. Super quo idem Demetrius suo et dicti Johannis Gereb nominibus nostrae humiliter supplicavit maiestati, ut ipsis circa praemissa dignaremur remedium adhibere gratiosim. Nos itaque qui ex innata nobis regia liberalitate huiusmodi casus nocivos regnicolarum nostrorum per remedia opportuna consuevimus reformare eiusdem Demetrio filio dicti quondam Andreae et Johanni Gereb de plenitudine nostrae regiae potestatis et gratia speciali duximus annuendum et concedendum immo annuimus et concedimus per praesentes ut ipsi universas literas et literalia eorum instrumenta in facto praetactarum portionum ipsorum possessionariarium in dictis Vengarth et eius pertinentiis habitam confectas et emanata tam per ipsos Johannem Gereb et quondam Andream in discussione ipsius causae non exhibitas vel forsitan in iudicio abnegatas quam per ipsum Demetrium ex post reinventes pro habendo novo iudicio contra ipsos Anthonium de Somkerek ac Johannem de Swk et alterum Johannem de Sombor non obstante praedicta sententia diffinitiva et aliis quibuscumque processibus exinde secutis in iudicio producere possint et exhibere. Quocirca fidelitati vestrae firmiter praecipientes mandamus, quatenus vestrum mittatis hominem pro testimonio fidedignum quo praesente Horwalh de Fahyd vel Petrus de Galthw aut Nicolaus de Zwchak sin Thomas de Felsewbolya, sive Stephanus de Hozywtelek aliis absentibus homo noster praefatos Anthonium de Somkerek ac Johannem de Swk et alterum Johannem de Sombor praedictam sententiam per ipsos in facto praetactarum portionum possessionariarum superius nominatarum reportatam et alia quaeque iura et literalia instrumenta factum eorundem portionum possessionariarum concernentium exhibiturum novumque iudicium causa in praemissa recepturum contra praefatos Demetrium et Johannem Gereb ad octavas festi nativitatis beati Johannis Baptistae¹⁾ nunc venturas in quibus etiam eidem Demetrio et Johanni similiter praedicta eorum iura et literarum instrumenta harum serie exhibere mandamus dictarum partium nostrarum Transsiluanarum vaivodis evocet in praesentiam insinuando ibidem eisdem ut si venerint dictamque sententiam cum dictis aliis eorum iuribus produxerint benequidem alioquin non obstante eorum nonvenientia idem vaivoda id faciet in praemissis quid iuri videbitur expediri. Et post haec ipsius evocationis seriem cum nominibus evocatorum octavas ad praedictas eidem vaivodae more solito rescribatis. Praesentes [S. 287] perlectas reddi iubemus praesentanti. Datum in Zenthgyurgh terrae Siculorum nostrorum partium nostrarum Transsiluanarum in festo beati Johannis ante portam latinam anno domini M^o CCCC^o XX septimo regnorum nostrorum anno Hungariae et cetera XL primo Romanorum XVII^o et Bohemiae septimo.

Unter dem Siegel: Kanzleibemerkung.


a) Ausstellungsort im UB als: Sfântul Gheorghe/Sepsiszentgyörgy.^{^}

1) Juli 1.^{^}