Urkunde Nr. 2008 aus Band IV

Seite im UB:

291-293

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

2008

Rom [1427] Mai 21 Papst Martin V. bestätigt die Urkunde Gregors XI. von 1374 Nr. »1025 über die Vorrechte und Freiheiten des Dominikanerordens.

[S. 292] Martinus episcopus servus servorum dei dilectis filiis magistro, prioribus et fratribus universis ordinis Praedicatorum salutem et apostolicam benedictionem. Ex apostolicae sedis provisione ac personarum deo devotarum praesertim sub regulari observantia et in favorem fidei catholicae domino famulantium studio piae vitae devotione provenire dinoscitur, ut Romanus pontifex quandoque praedecessorum suorum Romanorum pontificum gesta innovet, innovatione restauret et auctoritate fulciat innovata. Hinc est, quod nos vestris devotis in hac parte supplicationibus inclinati, quasdam literas felicis recordationis Gregorii papae XI, praedecessoris nostri ad instar nonnullorum aliorum Romanorum pontificum praedecessorum suorum, vobis et ordini vestro concessas quas diligenter inspici et examinari, quarumque tenorem de verbo ad verbum praesentibus inseri fecimus, auctoritate apostolica tenore praesentium, ex cuncta nostra scientia innovamus et praesentis scripti patrocinio communimus. Tenor vero dictarum literarum talis est. (Folgt die Urkunde Gregors XI. von 1374 Nr. »1025.) Ceterum, ut earundem literarum tenor sic insertus, omnimodam rei seu facti certitudinem faciat, auctoritate apostolica decernimus, ut illud idem robur eamque vim et eundem vigorem tenor ipse per omnia habeat, quae haberent originales literae supradictae et eadem prorsus huiusmodi tenori fides adhibeatur quandocumque et ubicumque, sive in iudicio vel alibi, ubi fuerit exhibitus vel ostensus et eidem stetur firmiter in omnibus. quae eisdem originalibus literis adhiberetur ac sicut, eis staretur si forent exhibitae vel ostensae, nec per hoc originales literas dicti Gregorii seu Bonifacii aut Benedicti ad quarum instar illae sunt editae producere seu ostendere teneamini. Verum, ne dubitationes ac controversiae, quae alias vos plurimis laboribus et expensis vexarunt, de cetero vobis fiant, ex certa scientia decrevimus, ut dictum privilegium Gregorii papae XI in iudicio et extra in qualibet sui dispositione inviolabiliter observetur, non obstantibus constitutionibus apostolicis, illa praesertim felicis recordationis Clementis papae V, praedecessoris nostri edita in concilio Viennensi, quae incipit: Dudum et cetera, necnon privilegiis, gratiis et concessionibus apostolicis in genere vel in specie quibusvis personis, ecclesiis sive locis concessis sub quacumque forma vel expressione verborum etiam si de eis habenda esset in praesentibus mentio specialis, seu per quae praesentibus non expressa aut totaliter de verbo ad verbum non inserta eorum in toto seu aliqua parte sui effectus posset aliqualiter impediri, et aliis contrariis quibuscumque. Nos autem ex nunc irritum decernimus et inane, si secus super his aut eorum aliquo a quocumque, quavis auctoritate, scienter vel ignoranter contigerit attentari, declarantes, clausulam illam videlicet: Salva tamen iustitia illarum ecclesiarum, a quibus mortuorum corpora assumuntur et cetera in omnibus aliis debere intelligi praeterquam in his, de quibus in ipso privilegio specialiter cavetur, quod canonica portio minime exigatur et cetera. Nulli ergo omnino homini liceat hanc pagi- [S. 293] nam nostrae innovationis, communitionis, voluntatis, constitutionis et declarationis infringere vel ei ausu temerario contraire. Si quis autem hoc attentare praesumpserit, indignationem omnipotentis dei et beatorum Petri et Pauli apostolorum eius se noverit incursurum. Datum Romae apud sanctos Apostolos, XII Kalendas Junii, pontificatus nostri anno decimo.