Urkunde Nr. 2032 aus Band IV

Seite im UB:

336

Druckvorlage:

nach Original

Abdruck als:

Volltext

Sprache:

Latein

---

2032

1428 April 8 Das Weissenburger Kapitel beglaubigt die Urkunde König Ludwigs I. von 1369 Nr. »929, Rechte der Sachsen in den Stühlen Mediasch und Schelk betreffend.

Capitulum ecclesiae Transsiluanae omnibus Christi fidelibus praesentibus pariter et futuris praesens scriptum inspecturis salutem in omnium salvatore. Ad universorum tam praesentium quam futurorum notitiam harum serie volumus pervenire, quod magister Petrus Vngelter de Meggies notarius duarum sedium eiusdem Meggies et Selk vocatarum et comes Clemens de eadem Meggies in ipsorum ac universorum Saxonum de eisdem sedibus Meggies et Selk ac ad easdem pertinentium nominibus et personis nostram venientes in praesentiam exhibuerunt nobis quasdam literas et praesentarunt quondam serenissimi principis domini Lodouici dei gratia incliti regis Hungariae et cetera sub eiusdem pendenti ac duplici sigillo in corda sericea viridi coloris privilegialiter emanatas tenoris subsequentis petentes nos suis ac nominibus quibus supra, ut tenorem earundem de verbo ad verbum transscribi faceremus transscriptumque earundem similiter sub pendenti nostro sigillo ipsis dare dignaremur. Quarum tenor is est. (Folgt die Urkunde Ludwigs I. von 1369 Nr. »929.) [Nos itaque petitionibus memoratorum magistri Petri notarii et]¹⁾ Clementis Gereb de Meggies in hac parte nobis oblatis annuentes [praescriptas literas regias modo quo supra coram nobis]²⁾ exhibitas omni prorsus suspicionis vitio destitutas transscribi et [transsumi facientes transscriptumque et transsumptum earundem n]ostro³⁾ sigillo sub pendenti duximus concedendas uberiorem ad cautelam. [Datum feria quinta proxima post resurrectionis domini, anno eiusdem]³⁾ millesimo quadringentesimo vigesimo octavo. [Honorabilibus et discretis viris dominis Demetrio praeposito, Georgio cantore]³⁾ Michaele custode et Nicolao decano, canonicis [dictae ecclesiae nostrae salubriter existentibus et devote].³⁾ [S. 337]


1) Lücke, 12 cm. ^{^}
2) Lücke, 13 cm. ^{^}
3) Lücke, 16 cm. [4x]^{^}