Urkunde Nr. 929 aus Band II

Seite im UB:

326-328 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie I (Inventar 223), Nr. 192 - Abt. 13: K. A. Mediasch [Parohia Ev. CA Mediaş], Nr. 3 (alt 6).

Druckvorlage:

nach Original

Abdruck als:

Volltext

Sprache:

Latein

---

929

1369 Juli 29 König Ludwig I. stellt die Sachsen der Stühle Mediasch, Markt- und Kleinschelken hinsichtlich der Rechtspflege, des Kriegsdienstes und der Bewirtung des Königs den Sachsen der Hermannstädter Provinz gleich und gestattet ihnen, die Jahressteuer von 400 Mark Silber, nach Ofener Gewicht, auch in Gold einzuzahlen, vorbehältlich der Rechte des Königs zur Änderung dieser Bestimmungen und der Rechte der Szeklergrafen in Betreff der Gerichtsbarkeit.

[L]odouicus²⁾dei gratia Hungariae, Dalmaciae, Croaciae, Ramae, Seruiae, Galliciae, Lodomeriae, Comaniae Bulgariaeque rex, princeps Sallernitanus et honoris montis sancti Angeli dominus omnibus Christi fidelibus praesentibus pariter et futuris praesentium notitiam habituris salutem in omnium salvatore. Magnus dominus laudabilisque nimis in civitate dei nostri ad hoc in orbe terrarum regum et principum provexit potestates, ut commodis invigilent subditorum, quatenus ab ipsis sub principe glorioso degentibus profectus utilitatis habeatur et honoris materia consequatur. Proinde ad universorum notitiam harum serie volumus pervenire, quod licet Georgius plebanus de Selk decanus et comes Andreas de Paratee fideles nostri suis necnon universorum fidelium Saxonum nostrorum de sedibus Medyes, Selk et Sachselk et ad easdem pertinentium vice et nominibus ad nostrae serenitatis accedentes praesentiam nobis privilegium quondam magnifici principis domini Karuli olim incliti regis Hungariae genitoris nostri gloriosae recordationis primo suo sigillo consignatum super libertatibus eorum per ipsum dominum [S. 327] Karulum regem genitorem nostrum ipsis concessis confectum exhibuerunt nostram solotenus provoluti exinde flagitantes maiestatem, ut idem privilegium paternum simul cum ipsis libertatibus in eodem expressis pro ipsis confirmare dignaremur. Tamen quia libertatibus huiuscemodi ex eisdem in dicto privilegio paterno contentis fere modicae utilitatis profectus regiae provenire posse cernebatur maiestati, ea propter habita deliberatione una cum domina regina genitrice nostra carissima praelatisque et baronibus nostris praematura praedicto privilegio paterno praevia derogantes ratione has libertates ipsis de novo duximus concedendas. Primo videlicet, quod iidem fideles Saxones nostri de dictis sedibus et ad easdem pertinentibus in iudiciis faciendis, exhibendis et exercendis ea libertate in aevum perfruantur temporibus successivis, qua alii fideles Saxones nostri de sede Cibinyensi et ad eandem pertinentibus sedibus gratulantur atque gaudent. Item quod iidem ad exercitus regios duntaxat ad partes orientales pro tempore emergentes et non alias iuxta posse ipsorum eo modo ire teneantur, prout iidem Saxones nostri de Cibinyensi et aliis sedibus transire ab antiquo sunt soliti. Insuper annuimus eisdem ex gratia speciali, ut ipsi victualia et descensus^c) regiae maiestati debitos et debentia omnino eo modo regiae administrent et dare debeant serenitati, quo praefati Saxones nostri de sede Cibinyensi et ad eandem pertinentibus solvere sunt astricti. Interea concessimus praefatis Saxonibus nostris fidelibus gratiose, ut ipsi illas quadringentas marcas fini argenti, quibus nostrae singulis annis tenentur maiestati, cum pondere, lapide et mensura Budensi levando et mensurando semel quinque marcas, vel si argentum non haberent vel invenire non possent casibus novercatis, ex tunc pro singulis marcis argenti ponderis praedicti, secundum quod argentum finum ad tunc emi vel vendi potest, tot florenos aureos regiae persolvant maiestati eo tamen dempto, ut quandocumque regia celsitudo aliquid cum Saxonibus Cibinyensibus et ad eandem pertinentibus pro commodo regni disponere maluerit, etiam cum ipsis Saxonibus de Medyes et aliis praefatis sedibus valeat ordinare praesenti dispositione et libertate ipsorum non obstante, salvis etiam iurisdictionibus et iudicatibus Siculorum nostrorum comitis remanentibus, quos in pristinis suis indemnitatibus commisimus permansuros. In cuius rei memoriam firmitatemque perpetuam praesentes concessimus literas nostras privilegiales pendentis et authentici sigilli nostri duplicis munimine roboratas. Datum per manus venerabilis in Christo patris domini Ladislai episcopi Wesprimyensis reginalis cancellarii et aulae nostrae vicecancellarii dilecti et fidelis nostri, anno domini M^o CCC^o LX^mo nono, quarto Kalendas Augusti, regni autem nostri anno XX^mo octavo. Venerabilibus in Christo patribus et dominis Thoma Strigonyensi, Stephano Colocensi, Wgulyno Spalatensi, Nicolao Jadrensi et Elya Ragusyensi archiepiscopis, Demetrio Waradyensi, Colomano Jauryensi, Mychaele Agriensi, Wylhermo Quinqueecclesiensi, Demetrio Transsiluano, Stephano Zagrabyensi, Johanne Wacyensi, Dominico Chanadyensi Petro Boznensi, Stephano Syrimyensi, Ladislao Nitryensi, Nicolao Tininyensi, Demetrio Nonensi, Stephano Farensi, Matheo Sibinicensi, Mychaele Scardonensi et Portina Sennyensi ecclesiarum episcopis ecclesias dei feliciter gubernantibus, Corbauiensi sede vacante [S. 328] Magnificis viris domino Ladislao duce Opulyae regni nostri palatino, Emerico vaivoda Transsiluano, comite Nicolao de Zech iudice curiae nostrae, Johanne magistro tavarnicorum nostrorum, Simone Dalmaciae et Croaciae, Petro Zudar totius Sclauoniae, Nicolao de Machou banis, Paulo dapiferorum, Johanne ianitorum et Stephano agasonum nostrorum magistris ac eodem domino Ladislao duce comite Posonyensi aliisque quampluribus comitatus regni nostri tenentibus et honores.

Auf dem untern umgebogenen Rande von der Kanzlei: Relatio Demetrii episcopi ecclesiae Transiluanae. Perlecta et correcta.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2 auf S. 326 (1 zu voranstehender Urkunde).^{^}
b) Nachtrag UB II, Seite 756 statt: Die Urkunde ist eingeschaltet von der Königin Maria 1383, mit dieser Urkunde von König Sigmund 1387, Orig. Gymnasialbibliothek Mediasch.^{^}
c) Nachtrag UB II, Seite 756 statt: decensus.^{^}

2) Raum für L leer gelassen.^{^}