Urkunde Nr. 2038 aus Band IV

Seite im UB:

342-343 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kapitel Hermannstadt [Capitlul evanghelic CA Sibiu] (Inventar 298), Urkunden Nr. 18.

Druckvorlage:

nach Original

Abdruck als:

Volltext

Sprache:

Latein

---

2038

Gran 1428 April 24 Erzbischof Georg von Gran bestätigt die Wahl Cristannus, des Pfarrers von Kleinscheuern, zum Dekan des Hermannstädter Kapitels.

Georgius miseratione divina archiepiscopus ecclesiae Strigoniensis locique eiusdem comes perpetuus primas et apostolicae sedis legatus natus dilecto nobis in Christo honorabili et circumspecto viro domino Christanno, plebano de Horreo minori, decano Cibiniensi iurisdictionis ecclesiae nostrae praefatae salutem et paternam benedictionem. Sincerae devotionis affectus et constantia fidei inconcussae, quibus erga ecclesiam Strigoniensem matrem tuam et dominam hactenus claruisti et adhuc clarere¹⁾ nosceris necnon literarum peritia probitatisque et virtutum merita, quibus personam tuam tam familiari experientia quam fide dignorum testimonio novimus insignitam²⁾ nos inducunt, ut te favore specialis gratiae prosequamur. Cum itaque nuper decanatus officio dictae sedis Cibiniensis de iure et de facto vacante, universi et singuli plebani et rectores ecclesiarum de et sub eodem decanatu existentes et constituti concorditer, nemine discrepante, te in suum ac ipsius universitatis et capituli decanatus Cibiniensis ut moris est et fuit a tanto tempore citra quod in contrarium memoria hominium non exsistit, officialem elegerunt ac³⁾ a³⁾ nobis³⁾ cum reverentia debita te petierunt in suum decanum praefici ac etiam confirmari nos meritorum tuorum intuitu, quibus te multipliciter divina clementia insignivit ac ipsorum plebanorum et rectorum iustis legitimisque precibus inclinati auctoritate nostra ordinaria et nostrae iurisdictionis munimine omnimodo, via, iure et forma, quibus melius possumus et debemus te in decanum Cibiniensem, sic ut praemittitur vacantem, iurisdictionique ecclesiae nostrae Strigoniensis praedictae pleno iure spectantem praeficimus, constituimus, deputamus et etiam confirmamus te per bireti nostri capiti tuo impositionem de ipso decanatu Cibiniensi sollem- [S. 343] niter investientes curam, regimen, iurisdictionem etiam contentiosam et administrationem ipsius in spiritualibus et temporalibus iuxta antiquam et laudabilem consuetudinem in huiusmodi decanatus officii collatione vel confirmatione hactenus observatam plenarie tibi salubriter gubernandum committondo, seriosius iniungentes vobis omnibus et singulis plebanis et sacerdotibus curatis, rectoribus ecclesiarum et aliis quibusvis nominibus vocitentur in et sub decanatu Cibiniensi existentibus et tibi ratione dicti decanatus subiectis, ut te in ipsorum decanum¹⁾ recipiant et acceptent tibique tamquam vero ipsorum decano legitimo et iuridico obediant et obtemperantiam praestent de omnibusque fructibus, reditibus, proventibus et obventionibus dicti decanatus respondeant et²⁾ quantum in ipsis est faciant etiam per alios responderi. Ceterum ut huiusmodi nostra institutio sine confirmatione suum debitum sorciatur effectum praefato domino Cristanno et quibusvis aliis ad quos huiusmodi decanatus installatio et in possessionem inductio pertinuit de iure vel consuetudine aut pertinet quovismodo, [mandamus] ut te in tenutam realem et possessionem corporalem dicti decanatus servatis de iure servandis inducant, amoto exinde quolibet illicito detentore tenore praesentium vices nostras committimus iniungendo, recepto prius a te per nos corporaliter iuramento, quod in signum debitae subiectionis omni congregationi nostrae synodali et ceterorum archiepiscoporum ecclesiae Strigoniensis pro tempore constitutorum canonice intrantium intereris iuxta morem in quolibet triennio observatum nobisque et nostris successoribus canonice intrantibus tamquam tuis praelatis eris obediens et fidelis, non eris in consilio vel auxilio ubi vitam perdant vel capiantur mala captione, nuntios nostros vel successorum nostrorum archiepiscoporum benigne recipies et favorabiliter tractabis et quod bona dicti decanatus non alienabis alienataque pro posse tuo meliori recuperabis. In quorum testimonium praesentes literas nostras sigilli nostri maioris et pontificalis appensione munitas tibi duximus concedendas. Datum Strigonii in festo beati Georgii martyris, anno domini millesimo quadringentesimo vigesimo octavo.

Auf der Rückseite: Confirmatio domini magistri Cristanni decani de Parvo horreo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-3 auf S. 342, 1-2 auf S. 343.^{^}
[S. 343]
1) Vorlage: clerere.^{^}
2) Vorlage: insignitum.^{^}
3) Über der Zeile nachgetragen. [3x]^{^}
[S. 343]
1) Vorlage: decananum.^{^}
2) Hierauf tam durchgestrichen und unterpunktiert.^{^}