Urkunde Nr. 2041 aus Band IV

Seite im UB:

346-347

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie I (Inventar 223), Nr. 497 - Abt. 21: K. A. Hermannstadt [Parohia Ev. CA Sibiu], Nr. 7.

Druckvorlage:

nach Original

Abdruck als:

Volltext

Sprache:

Latein

---

2041

Hermannstadt 1428 April 28 Die Sieben Stühle bestätigen die von Albul, dem comes curiae (Vornik) des walachischen Woiwoden Dan II., in dem Grenzstreit zwischen Grosspold und Tetscheln getroffene Entscheidung.

Nos iudices iuratique consules septem sedium Saxonicalium partium Transsiluanarum. Memoriae commendantes significamus tenore praesentium quibus expedit universis, quomodo Albul comes curiae magnifici viri Daan vaivodae Transalpinensis reddeundo in regalibus ambasiatis de Kweuino venit in Cibiniensem civitatem ibique nobiscum eo congregalis similiter¹⁾ et conslitutis coram nobis publice fatendo recognovit, quomodo ipso in Homlas veniente quandam contraversiam et litis materiam vertentem inter hospites et populos de Apoldia superiori parte ab una, ab alia vero parte Olachos de Tytslaw, ad dictam Homlas pertinentes ex parte cuiusdam partis territorii versus et penes castrum ac molendinum lapideum iacentis et cum querela sibi propositam percepisset et quomodo ipse singularis supplicationis ad instantiam utrarumque partium maiorem ob cautelam certum suum hominem cum hominibus de Dobrica et Apoldia inferiori ad videndum et experiendum certam rei veritatem illac transmisisse. Quoniam post reversionem eorum ad ipsum in Cibinio coram nobis unanimiter consonantes retulerunt, quod praefati hospites et populi de dicta Apoldia superiori secundum metas territoriorum multas iniurias et magna dampna ab ipsis Olachis de Tytslaw sustinuissent et de praesenti sufferrent et quod iamdicti Olachi nullum penitus [iu]s²⁾ ad eandem partem territorii habere dinoscuntur, quare praefatus Albul tamquam certus iudex suum per dominum praedictum substitutus supradictam partem [S. 347] territorii propter quam lis fuit orta iudicio et iustitia exposcentibus saepevisis hominibus de Apoldia superiori coram nobis adiudicavit cum suis literis ipsis desuper collatis confirmando iniungens ipsis Olachis sub роеnа eruitione oculorum et privatione omnium bonorum ipsorum quod per amplius et deinceps dictas metas transcedere nullomodo debeant nec praesumant modo aliquali nobisque committendo supplicare curavit ut et nos dictam suam sententiam literis nostris mediantibus, ut inconcussa permaneat roborare dignaremur. Nos itaque petitionibus iusta petentibus volentes obviare et specialis petitionis saepevisi Albul ob respectum verius tamen communis iustitiae ob intuitum praesentes nostras literas sub appensione nostri minoris sigilli munimine roboratas praetactis hominibus de Apoldia superiori duximus conferendas iudicium et sententiam saepedicti Albul cum eisdem nostris literis approbantes, ratificantes et confirmantes in robur et testimonium omnium praemissorum. Datum et actum feria quarta proxima post festum sancti Georgii anno domini M^o CCCC^o vigesimo octavo in Cibinio.<fnz>

<fnzt>1) Vorlage: siml.</fnzt> <fnzt>2) Lücke: 0.4 cm. </fnzt>