Urkunde Nr. 2042 aus Band IV

Seite im UB:

347-348

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

2042

1428 Mai 7 Der Konvent von Kolozsmonostor beglaubigt für die Stadt Klausenburg die Urkunde König Sigmunds von 1419 Nr. »1867, die Abgabenfreiheit auf den Zollstellen des Bischofs von Siebenbürgen und der Adligen von Oşorheiu/Gyerővásárhaly betreffend.

Nos conventus monasterii beatae Mariae virginis de Clusmonostra memoriae commendamus, quod providi viri magister Johannes notarius ac Cristellinus Detrih et Jacobus Zegyn iurati cives civitatis Cluswar in ipsorum ac iudicis iuratorumque civium et universorum hospitum de eadem personis nostram personaliter venientes in praesentiam exhibuerunt nobis quasdam literas serenissimi principis et domini domini Sigismundi dei gratia Romanorum regis semper augusti ac Hungariae, Bohemiae, Dalmaciae, Croaciae et cetera regis, domini nostri naturalis, sub eiusdem minori sigillo et ad propriam commissionem dicti domini nostri regis in pergameno patenter emanatas et ab infra consignatas tenoris subsequentis, petentes nos nominibus quibus supra, ut easdem literis nostris inseri et transsumi faceremus transsumptumque earundem nostro sub sigillo¹⁾ ipsis et praedictis civibus dare dignaremur. Quarum tenor talis est. (Folgt die Urkunde König Sigmunds von 1419 Nr. »1867.) Nos igitur²⁾ iustis et legitimis petitionibus praefatorum magistri Johannis notarii ac Cristellini Detrih et Jacobi Zegyn nominibus quorum supra nobis porrectis immo verius iustitiae [S. 348] annuentes praescriptas literas dicti domini nostri Sigismundi regis de verbo ad verbum sine diminutione et augmento aliquali praesentibus literis nostris similiter patentibus transscribi et transsumi facientes transscriptumque earundem et transsumptum sigilli nostri appressione munitum ipsis ac iudici, iuratis civibus et hospitibus dictae civitatis Cluswar duximus concedendum iuris eorundem uberiorem ad cautelam. Datum feria sexta proxima post festum beati Johannis apostoli ante portam latinam, anno domini millesimo quadringentesimo vigesimo octavo.

Auf der Rückseite von gleichzeitiger Hand: Super tributum episcopi in Gyalw et nobilium de Wascharhel transsumptum.


1) Hierauf е durchgestrichen. ^{^}
2) Hierauf durchgestrichen mandatis.^{^}