Urkunde Nr. 2046 aus Band IV

Seite im UB:

352

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 76.

Druckvorlage:

nach Original

Abdruck als:

Volltext

Sprache:

Latein

---

2046

Kubin 1428 Juli 3 König Sigmund befiehlt den Kronstädter Zünften, Handwerker, die sich in Kronstadt niederlassen wollen, in ihrer Mitte aufzunehmen.

Von der Kanzlei: Relatio Johannis Jakch comitis Siculorum.

Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex fidelibus nostris universis ac singulis mechanicis cuiuscumque artis et laboris existant in civitate nostra Brassouiensi constitutis praesentes visuris salutem et gratiam. Ex nonnullorum fidelium nostrorum relatione fidedigna nostra intellexit celsitudo plurimum displicenter, quomodo vos de quadam praesumptione temeraria confusi¹⁾ id inter vos statuissetis, ut nullus mechanicorum forensium scilicet seu conprovincialium cuiuscumque status seu laboris existant in ipsam nostram civitatem consequenterque vestri in medium ibidem moraturi accedere et suas artes inibi deberent exercere ausu aliquali, quod commodo et bono utili eiusdem nostrae civitatis consequenterque civium et hospitum totiusque communitatis eiusdem non modicum videtur derogari. Unde nos, ipsam nostram civitatem sicuti aliorum populorum et hominum sic etiam diversorum mechanicorum ubertate²⁾ decorare volentes, fidelitati vestrae universitatis et cuiuslibet vestrum firmiter praecipientes mandamus, secus habere nolentes, quatenus a modo in antea temporibus semper perpetuis affuturis quoslibet mechanicos tam forenses quam conprovinciales, qui ad id idonei et experti ac bonae famae homines exstiterint, in vestri medium acceptantes, in eadem nostra civitate et vestri medio iuxta libertates et landabiles consuetudines eiusdem nostrae civitatis stare et morare suasque artes et labores libere exercere permittatis et permitti facere debeatis. Alioquin commisimus et serie praesentium committimus fidelibus nostris iudici et iuratis civibus iam dictae nostrae civitatis Brassouiensis ut ipsi vos et vestrum quemlibet non sine vestris damnis et gravaminibus ad id opportunis arctius compellant et astringant, auctoritate nostra regia praesentibus in hac parte ipsis attributa mediante. Secus ergo nequaquam facere ausuri in praemissis gratiae nostrae sub obtentu. Praesentes quoque perlectas reddi iubemus praesentanti. Datum in Kewe, secundo die festi visitationis virginis gloriosae, anno domini MCCCCXXVIII^o regnorum nostrorum anno Hungariae et cetera XLII^o, Romanorum XVIII^o et Bohemiae octavo. [S. 353]

Unter dem Siegel: Kanzleibemerkung.


1) Über der Zeile nachgetragen.^{^}
2) Vorlage: ubertatate.^{^}