Urkunde Nr. 2051 aus Band IV

Seite im UB:

365-367 ^a)

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 77a.

Druckvorlage:

nach Original

Abdruck als:

Volltext

Sprache:

Latein

---

2051

Kubin 1428 Juli 27 König Sigmund verleiht der Stadt Kronstadt und dem Burzenländer Distrikt verschiedene Freiheiten.

Von der Kanzlei: Commissio propria domini regis.

Nos Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex ad cunctorum praesentium pariter ac futurorum notitiam deducentes harum serie declaramus, quod cum id pensamus in animo, ut in multitudine plebis robur regum et gloria existat ac¹⁾ accrescat ex dulcique principum contractione plebs subiecta et numero et viribus augeatur, dumque hoc regali moderamine in cordis nostri revolvimus armariolo, quod tunc subditi dignae retributionis beneficio refoventur, dum eis largitur, quod [S. 366] merentur exindeque ad fidelitatis fervorem excitantur et capto obsequendi exemplo, ad indubitatam fiduciam serviendi incandescunt. His igitur ducti considerationibus incolis civitatis nostrae Brassouiensis ac oppidorum et liberarum villarum provinciae Barcensis libertates subannotandas duximus de innata nostrae regalis clementiae liberalitate gratiose concedendas, quae tales sunt: Primo videlicet, quod universi incolae civitatis Brassouiensis et liberarum villarum provinciae Barcensis libertatem habeant in perpetuum communiter utendi omnibus silvis et aquis ac piscaturis ubilibet in tota provincia Barcensi habitis, absque impedimento et prohibitione quorumcumque, exceptis tamen his silvis permissionalibus, quae sunt nostrae maiestatis, et etiam, quae civitatibus et liberis villis dictae provinciae ac quibuscumque aliis distinctim et separatim annexae sunt et appropriatae, quae scilicet inter terras arabiles et prata et non in alpibus vel nigris silvis iam sunt permissae de facto et etiam in futurum inter easdem terras arabiles et prata permittentur. Secundo, quod cives et incolae civitatis Brassouiensis et liberarum villarum dictae provinciae Barcensis aut aliqui eorundem in negotiationibus seu mercantiis ad partes Transalpinas euntes et ab illinc redeuntes, in tributo de Therch et aliis locis tributorum in ipse provincia Barcensi existentibus, numquam ad solutionem alicuius tributi teneantur nec sint obligati, sed prorsus a solutione tributi exempti habeantur; in solulione autem tricesimarum remaneant secundum antiquas eorum libertates. Tertio, quod seniores tam civitatis Brassouiensis quam etiam liberarum villarum dictae provinciae Barcensis homines in quibuscumque illis levibus excessibus et eliam factis contentiosis ac minatoriis et suspiciosis deprehensos et captos, in quibus scilicet birsagia recipi non consuevissent et extorqueri nec etiam tales deprehensi et capti per sanguinis effusionem venirent puniendi, poena carceris duorum vel trium dierum ac alia levi poena pro exigentia qualitatis suorum excessuum decenter correptos absque licentia et requisitione iudicis regii ac pactatione eorundem captivorum, ipsimet libere relaxare et dimittere possint. Quarto, quod communitates tam civitatis Brassouiensis quam etiam liberarum villarum provinciae Barcensis habeant plenam et omnimodam facultatem eligendi sibi plebanos, iudices, villicos et consules, prout eis visum fuerit consilio omnium praematuro praecedente, nec aliquis ex incolis virtute iuvaminis amicorum suorum praesumat se tali electioni opponere, aut ipsam quovis modo impugnare, sed electio per maiorem partem communitatis facta, rata et valida habeatur. Quinto, ut ille ex ipsis, qui ab universitate civium et provincialium in capitaneum et ductorem exercitus praeficietur, possit libere iudicare et punire quemlibet hominem ex ipsismet in dicto eorum exercitu existentem, quem continget in aliquo excedere, prout qualitas excessuum requiret. Sexto, si aliquis eorum homicidium inter ipsos patraverit, tunc iudex noster ipsum cum suo adversario potest captivare sed ad domum suam accedere et res aut bona sua auffere non possit [S. 367] modo aliquali, donec idem homicida proscribitur per communitatem et exulabitur, sed post proscriptionem per praefatam communitatem factam et exulationem suam omnia bona eiusdem praefatus iudex noster auferendi plenariam habeat facultatem. Si autem dictus homicida cum suo adversario et inimico poterit concordare, tunc iudici nostro pro iudicio habito pacis quinque marcas computi Cibiniensis dare teneatur. Septimo, quod quandocumque in iudicio alicuius causae de birsagiis imponendis ipsi cives et incolae civitatis Brassouiensis et provinciae Barcensis non poterunt cum iudice regio concordare et concordes remanere, tunc talis disceptatio et discrepantia impositionis birsagiorum transmittatur deliberationi et determinationi septem sedium Saxonicalium, et id, quod ab ipsis septem sedibus, iuxta consuetudinem et libertatem earundem septem sedium in talibus fuerit determinatum et conclusum, tam a iudice regio quam etiam civibus et incolis civitatis Brassouiensis et provinciae Barcensis pro rato acceptetur. In quorum omnium praemissorum perenne robur et firmitatem sempiternam praesentes nostras literas nostri minoris regalis sigilli, quo utimur, appensione communitas, duximus eisdem concedendas. Datum in civitate nostra Kewy vocata, ¹⁾ feria tertia proxima post festum beati Jacobi apostoli, anno domini millesimo quadringentesimo vigesimo octavo, regnorum nostrorum anno Hungariae et cetera quadragesimo secundo, Romanorum decimo octavo et Bohemiae octavo.

Auf der Rückseite von einer Hand des 15. Jahrhunderts: Literae privilegiales totius provinciae.

Ebenso zweite Ausfertigung: Illa litera de verbo ad verbum continet tenorem alterius literae, quae aliqualiter modestam est.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 365 und 1 auf S. 367.^{^}
[S. 365]
1) Zweite Ausfertigung: et.^{^}
[S. 367]
1) Zweite Ausfertigung: dicta.^{^}