Urkunde Nr. 2080 aus Band IV

Seite im UB:

395-396

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. III (Inventar 27), Nr. 169.

Druckvorlage:

nach Original

Abdruck als:

Volltext

Sprache:

Latein

---

2080

Pressburg 1429 Dezember 21 König Sigmund beauftragt Ladislaus, den Woiwoden von Siebenbürgen, den Sachsen der Sieben Stühle für den ihnen durch Grundhörige des Adels zugefügten Schaden Genugtuung zu verschaffen.

Von der Kanzlei: Relatio Lorandi Lepes vicevaivodae Transsiluani.

Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex fidelibus nostris magnifico Ladislao de Chaak, partium nostrarum Transsiluanarum vaivodae vel eius vicevaivodae salutem et gratiam. Serenitatis nostrae accedentes in conspectum fideles nostri providi viri Andreas iudex civitatis nostrae Cibiniensis et Michael dictus Wezzed de Insula Keresthyen vocata, partium nostrarum Transsiluanarum praedictarum, maiestati nostra in eorum ac aliorum universorum et singulorum Saxonum nostrorum septem sedium Saxonicalium earundem partium nostrarum¹⁾ Transsiluanarum studuerunt declarare gravissime conquerendo, quomodo nonnulli forent populi et iobagiones nobilium et alterius status possessionatorum hominum praedictarum partium nostrarum²⁾ Transsiluanarum, qui ipsos nostros Saxones dictarum septem sedium Saxonicalium his novissime transactis temporibus per nonnulla incendia seu domorum combustiones hominumque verberationes seu interemptiones, spoliationes, invasiones, minarum impositiones, rerum et bonorum eorundem subtractiones, ecclesiarumque et molendinorum disruptiones et abolitiones, necnon aliarum diversarum iniuriarum ac damnorum et nocumentorum illationes impedivissent, molestassent, aggravassent, perturbassent et damnificassent impedireque, molestare, aggravare, perturbare et damnificare non cessarent etiam de praesenti, in ipsorum Saxonum nostrorum grande praeiudicium detrimentumque et periculum et iacturam manifestam. Et quia nos praemissa sic simpliciter absque debitae ultionis vindicta non volumus pertransire, igitur fidelitati vestrae firmissime praecipimus et mandamus, quatenus habitis praesentibus praetitulatos Saxones nostros sedium praescriptarum ac annotatos nobiles partium praedictarum, quibus talismodi populos et iobagiones eorum coram vobis harum serie statuere et praesentare contra³⁾ eosdem³⁾ committimus, ad unum certum terminum et locum ad id scilicet aptum et opportunum per vos eisdem praefigendum et deputandum, vestri in praesentiam convocari et accersiri faciendo audi- [S. 396] tisque earundem partium propositionibus et allegationibus ex parte memoratorum populorum et iobagionum iam fatorum nobilum partium nostrarum praedictarum, praelibatis nostris Saxonibus, iuxta ipsorum Saxonum nostrorum legitimas comprobationes et sufficiens documentum legemque et consuetudinem in talibus fieri et observari solitam, merum iudicium et condignam iustitiam ac debitae satisfactionis integritatem adeo impendere et exhibere debeatis, ut non cogantur de cetero saepe fati nostri Saxones nostrae super praemissis, pro abnegata eis in hac parte iustitia quoquo modo querulari serenitati. Secus non facturi in praemissis. Praesentes etiam post earum lecturam reddi edicimus exhibenti. Datum Posonii in festo beati Thomae martyris, anno domini MCCCCXXIX^o, regnorum nostrorum anno Hungariae et cetera XLIII^o, Romanorum XX^o et Bohemiae decimo.

Unter dem Siegel: Relatio Lorandi Lepes vicevaivodae / Transsiluani.


1) Vorlage: nrarum.^{^}
2) Hierauf: nostrarum.^{^}
3) Über der Zeile nachgetragen. [3x]^{^}