Urkunde Nr. 2115 aus Band IV

Seite im UB:

436-437

Druckvorlage:

nach Original

Abdruck als:

Volltext

Sprache:

Latein

---

2115

Diósgyőr 1431 März 20 Königin Barbara befiehlt Gregor von Bethlen und dessen Verwandten, die Gemeinde Jaad bis zur Schlichtung des Grenzstreites nicht weiter zu schädigen.

Von der Kanzlei: Relatio Stephani Paharnock magistri agasonum.

[S. 437] Nos Barbara dei gratia Romanorum ac Hungariae et cetera regina vobis fidelibus nostris Gregorio ac Nicolao filiis quondam Johannis de Betlend ac Georgio filio Apay de Almakerek harum serie firmissime committimus seriose mandantes, quatenus habita praesentium notitia ulteriore nostro mandato superinde minime expectato possessionem regalem Jaad nuncupatam ad civitatem Bistriciensem de iure pertinentem in omnibus metis metarumque consignationibus, item terris arabilibus, silvis, pratis, nemoribus et aliis quibuscumque suis utilitatibus, quibus scilicet populi et iobagiones in eadem commorantes hactenus usi fuere et gavisi, infra tempus dumtaxat, quo fideles nostri dilecti magnifici Johannes et Michael Jakch de Kwsal comites Siculorum aut homines ipsorum ad id deputandi pro revidendis, distinguendis et rectificandis talismodi metis et metarum consignationibus antelatae possessionis Jaad illuc personaliter fuerint constituti, non obstante quovis termino ea ratione per eosdem Johannem et Michaelem praefixo modis omnibus tenere et conservare debeatis nec praetactos populos et iobagiones tempore intermedio intra vel extra iudicium molestare, perturbare aut quoquomodo damnificare praesumatis. Alioquin commisimus et praesentium serie firmiter committimus ipsis Johanni et Michaeli Jakch, ut vos ad praemissa facienda artius compellant et astringant auctoritate nostra praesentibus ipsis in hac parte attributa mediante. Secus igitur in praemissis facere non ausuri. Praesentibus perlectis exhibenti restitutis. Datum in Dyossgewr, feria tertia proxima post dominicam Iudica, anno domini millesimo quadringentesimo tricesimo primo.

Unter dem Siegel: Relatio Stephani Paharnock magistri agasonum.