Urkunde Nr. 2128 aus Band IV

Seite im UB:

443

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

2128

Târgovişte 1431 Juni 14 Alexander Aldea, Woiwode der Walachei, ersucht, den flüchtigen Griechen Femiano festzunehmen und ihn an Johannes von Langenau auszuliefern.

Universis et singulis dominis et amicis nostris in et sub tenutis serenissimi domini nostri regis ubilibet constitutis et existentibus praesentes visuris Alexander vaivoda Transalpinarum partium salutem cum honore. Domini et amici nostri praestantissimi. Noveritis quomodo quidam Graecus nomine Femiano, nescitur quo spiritu ductus, cum certis rebus de camara nostra ablatis et cum quibusdam debitis nobilis viri Johannis filii Gasparis de Longocampo praeter scitum et voluntatem nostram tamquam proditor et infidelis noster et serenissimi domini nostri regis aufugit et clandestine a terra eiusdem domini nostri regis et nostra recessit. Ideo praefatum Johannem filium Gasparis, domini nostri et nostrum continuum servitorem, ad investigandum praefatum Femianum duximus transmittendum, vestras dominationes et fraternitates cum magna attentione rogantes et requirentes, quatenus quandocumque et ubicumque praefatus Femianus per dictum nostrum et domini nostri regis familiarem inveniri poterit, infra dominia et tenuta vestra ex parte eiusdem etiam cum detentione personae omnimodam impendatis satisfactionem. Immo rogamus diligenter, quatenus auxilium et favorem vestrum impendatis ad ipsius detentionem et ipsum detentum manibus praefati Johannis Gasparis assignare non recusetis. Datum Targouistae, feria quinta proxima ante festum beatorum Viti et Modesti martirum, anno domini M^mo CCCC^o XXX^o I^o.

Monogramm:¹⁾ † + Iω Алєζандрь вωєвωда, милостя божїєя господинь. [S. 444]


1) Mit roter Tinte. ^{^}