Urkunde Nr. 2135 aus Band IV

Seite im UB:

449

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2135

Szentimre 1431 September 30 ^a) Roland Lepes, Vizewoiwode von Siebenbürgen, ersucht das Weissenburger Kapitel, bei der Grenzbegehung von Giesshübel, einer Besitzung des Nikolaus von Weingartskirchen, mitzuwirken.

Amicis suis honorandis capitulo ecclesiae Transsiluanae Lorandus Lepes de Waraskezy vicevaivoda Transsiluanus amicitiam paratam cum honore. Dicit nobis egregius magister Nicolaus Greb dictus de Wyngarth, quomodo quaedam possessio sua Kysludas alio nomine Bakludas vocata in comitatu Albensi apud manus suas existens¹⁾ habita, legitima reambulatione et metarum erectione renovationeque et ab aliorum possessionariis iuribus metaliter distinctione et separatione plurimum indigeret. Super quo vestram amicitiam praesentibus petimus diligenter, quatenus vestrum mittatis hominem pro testimonio fide dignum quo praesente Paulus de Kereky vel Nicolaus maior de Hozywtelek, aut Nicolaus de Wyzakna sin Herbartus de Balasfalua seu Jacobus de Dalya sive Michael de Galthew aliis absentibus homo noster ad faciem praescriptae possessionis vicinis et commetaneis eiusdem universis inibi legitime convocatis et praesentibus accedendo reambulet eandem per suas veras metas et antiquas, novas iuxta veteres in locis necessariis erigendo²⁾ reambulatamque et ab aliorum possessionariis iuribus metaliter separatam et³⁾ distinctam statuat eandem eidem iure⁴⁾ incumbente possidendam, si non fuerit contradictum. Contradictores vero si qui apparuerint, citet eosdem contra annotatum magistrum Nicolaum nostram in praesentiam ad terminum competentem rationem contradictionis eorum reddituros. Et post haec huiusmodi possessionariae reambulationis et metarum erectionis seriem cum cursibus metarum inibi erigendarum nominibusque contradictorum et³⁾ citatorum si qui fuerint cum termino assignato nobis amicabiliter rescribatis. Datum in Zenthemreh, secundo die festi beati Michaelis archangeli, anno domini millesimo quadringentesimo tricesimo primo. [S. 450]


a) Ausstellungsort im UB als: Sântimbru/Szentimre.^{^}

1) Vorlage: existentis.^{^}
2) Vorlage: erigencia.^{^}
3) Fehlt in der Vorlage. [2x]^{^}
4) Über der Zeile nachgetragen.^{^}