Urkunde Nr. 2145 aus Band IV

Seite im UB:

458-460 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Sammlung Brukenthal [Colecţia Brukenthal], Urkunden (Inventar 119) Nr. 526 (alt S 1-10 Nr. 36).

Druckvorlage:

nach Original

Abdruck als:

Volltext

Sprache:

Latein

---

2145

Parma 1432 April 11 König Sigmund fordert den Adel und alle Grundbesitzer in Siebenbürgen auf, dem Weissenburger Kapitel bei der Einhebung des Weinzehntens keine Schwierigkeiten zu bereiten.

Von der Kanzlei: Commissio propria domini regis.

Sigismundus dei gratia Romanorum rex semper augustus ас Hungariae, Bohemiae, Dalmatiae, Croaciae et cetera rex fidelibus nostris universis et singulis nobilibus et alterius cuiusvis status possessionatis hominibus in partibus nostris Transsilvanis ubilibet constitutis et existentibus salutem et gratiam. Ex lamentabili et querulosa insinuatione honorabilium virorum dominorum de capitulo ecclesiae Transsilvanae nobis facta nostra valde displicenter audivit serenitas, quomodo vos seu nonnulli ex vobis salutis animarum suarum immemores decimas frugum et vinorum in patrimonium crucifixi conser- [S. 459] vationemque et fundationem christianae religionis dedicatas, de vestris possessionibus ipsis dominis de capitulo provenire debentes, nec illis hominibus quibus ipsi domini eas vellent locare et arendare et neque ipsismet dominis per se vel per eorum decimatores pro se ipsis exigere et comportare seu congregare permitteretis, immo quod deterius audireque absurdum et inconveniens rationi esset dum iidem domini exponentes huiusmodi eorum decimas pro se exigere et congregare vellent, eosdem et ipsorum decimatores ab usu aquae puteorum in dictis vestris possessionibus existentium iobbagionesque vestros a victualium et hospitiorum ipsis exponentibus et suis decimatoribus necessariorum datione et administratione sub poenis capitum ac ammissionis universorum bonorum suorum ipsis iniectis prohiberetis, strictissima nostra regalia vobis iam saepe saepius superinde iniuncta mandata censurasque ecclesiasticas contra vos ratione praevia latas non curantes in hac parte, sed huiusmodi decimas invitis ipsis dominis de capitulo vosmet minus iuste et potentialiter reciperetis in arendam et pro eisdem decimis ipsis dominis quid [quid ] ¹⁾ velletis solveretis, quod utique in detrimentum animarum vestrarum damnumque dictorum dominorum displicentiam praedictorum etiam mandatorum nostrorum regalium vobis [ut praemittitur]²⁾ directorum cedit valde grandem. Verum quia impium est et utique saevissimum talia in opprobrium ecclesiarum dei facere et quomodolibet attemptare, ultio quoque di[vina ]³⁾ merito propterea contra vos posset provocari, ideo nos, qui ad quarumlibet ecclesiarum quarum utique tutor sumus et protector specialis commoda et temporales uberitates non diminuendas sed augmentandas ex officio nostri regii regiminis obligari dignoscimur, nolentes huiusmodi vestras sinistras praeconceptas cupiditates in detrimentum ecclesiarum dei et in dispendium animarum vestrarum ut praedicitur cedentes, ne in consuetudinem malignam redundarent,⁴⁾ peramplius tollerare sed eisdem regio remedio volentes obviare, fidelilati vestrae firmo nostro regio sub edicto praecipimus et aliud omnino habere nolentes mandamus, quatenus abiectis praemissis vestris sinistris praeconceptis cupiditatibus praedictas decimas de vestris possessionibus annotalis dominis provenire debentes eosdem quibuscumque hominibus locare et arendare aut si voluerint pro se ipsis libere, pacifice et absque omni impedimento exigere comportare et congregare ac per iobbagiones vestros victualia pro condigno pretio ac hospitia ipsis ac eorum decimatoribus necessaria dare et administra[re permittatis]⁵⁾ ipsosque dominos seu eorum decimatores [S. 460] ]¹⁾ exactionis, perceptionis seu congregationis huiusmodi d[ecimarum contr]a²⁾ quoslibet impetitores et [ ]¹⁾ contra [ ]³⁾ minus iuste [ ]³⁾ tueri protegere et defensare modis omnibus debeatis. Alioquin commisimus et serie praesentium firmiter committimus fideli nostro magnifico Ladislao de Chak partium nostrarum Transsiluanarum vaivodae vel ipsius vicevaivodae nunc constitutis et in futurum constituendis, ut ipsi vos et vestrum quemlibet ad huiusmodi nostrorum mandatorum observationem non sine vestris damnis et gravaminibus et per omnia alia ad id opportuna remedia arctius compellant et adstringant, nostra auctoritate regia ipsis praesentibus in hac parte specialiter attributa mediante. Secus ergo uti ultra alia vestra incommoda nostrae maiestatis gravissimam indignationem incurrere pertimescetis facere non ausuri in praemissis. Praesentes etiam post earum lecturam reddi iubemus praesentanti. Datum Parmae feria sexta proxima ante dominicam Ramispalmarum, anno domini MCCCCXXX secundo, regnorum nostrorum anno Hungariae et cetera XL quinto,⁴⁾ Romanorum XXII^o et Bohemiae duodecimo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-5 auf S. 459, 1-4 auf S. 460 (dortige 5 zu nachfolgender Urkunde).^{^}
[S. 459]
1) Rasur 3.2 cm.^{^}
2) Rasur 2.9 cm. ^{^}
3) Rasur 3 cm. ^{^}
4) Vorlage: redundaret.^{^}
5) Lücke 1.9 cm.^{^}
[S. 460]
1) Lücke 2.4 cm. [2x]^{^}
2) Lücke 2.8 cm.^{^}
3) Lücke 1 cm. [2x]^{^}
4) So Vorlage.^{^}