Urkunde Nr. 2168 aus Band IV

Seite im UB:

491-493

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

2168

Siena 1432 Dezember 21 König Sigmund befiehlt Ladislaus, dem Woiwoden von Siebenbürgen, die Bewohner der zur Kokelburg gehörenden Ortschaften zu verhalten, den Weinzehnten an das Weissenburger Kapitel nach der alten Gepflogenheit zu entrichten.

Von der Kanzlei: Commissio propria domini regis.

Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex fideli nostro magnifico Ladislao de Chaak partium nostrarum Transsiluanarum vaivodae salutem et gratiam. Insinuantibus nobis gravi sub querela fidelibus nostris honorabilibus dominis de capitulo ecclesiae Transsiluanae nostra audivit serenitas, quod licet a tempore, cuius contrarium memoria hominum non comprehenderet, decimae vinorum ex vineis promontoriorum, oppidorum, villarum et possessionum ad castrum nostrum Kykellewar vocatum spectantibus ipsis dominis de capitulo provenientes, per ipsorum oppidorum, villarum et possessionum inhabitatores et populos ac per alios quoscumque vineas in promontoriis [S. 492] earum tenentes in locis foliatorum per ipsos dominos de capitulo aut eius decimatores erectorum solvi et extradari consueverint, tamen quondam magnificus Nicolaus de dicta Chaak, olim similiter vaivoda partium nostrarum Transsiluanarum genitor vester, quodam tempore vindemiationis ex instigatione quorundam perversorum hominum veram solutionem decimarum sinistre et nequiter interpretantium adversus ipsos dominos de capitulo indignatus, praefatis inhabitatoribus et populis dictorum oppidorum, villarum et possessionum commisisset, ut ipsi decimas vinorum ex ipsorum vineis dictis dominis de capitulo provenientes non in locis foliatorum solverent seu extradarent, sed relinquerent eas in vineis et decimatori solummodo notificarent, mustum decimae in suis vineis reliquisse. Qui inhabitatores et populi dictorum oppidorum, villarum et possessionum potius ad malum quam ad bonum inclinati per huiusmodi quondam vestri genitoris commissionem confortati, nedum huiusmodi decimas vinorum de viliori etiam et abiecto musto tantum quantum volunt, quod tandem a pastoribus et aliis malefactoribus consumitur et deportatur, in doleis et vasis in vineis eorum relinquerent, sed etsi dictorum dominorum decimatores forsitan aliis negotiis occupati talismodi decimas vinorum ex vineis praedictis per triduum post notificationem ipsis factam deferre non possent, tunc iidem inhabititatores et populi praedictorum oppidorum, villarum et possessionum malignitate ducti, asserentes se vasis eorum pro propriis eorum negotiis expediendis indigere, statim huiusmodi mustum decimae ex vasis eorum seu doleis effunderent in terram, quod utique in magnum damnum dictorum dominorum de capitulo singulis annis, immo verius in dispendium salutis animae dicti vestri genitoris cedit satis grande. Verum quia non est licitum neque conveniens, ut huiusmodi absurdi contra laudabilem consuetudinem solutionis decimarum per praefatum quondam genitorem vestrum instituti et adinventi in dissuetudinem seu usum perversum deducantur per hosque modos ipsae decimae seu proventus decimales in patrimonium crucifixi ecclesiis dei eorundemque ministris deputati diminuantur, ideo saluti ipsius vestri genitoris, qui inconsulte et minus licite praenarratam dissuetudinem adinvenisse perhibetur providere cupientes nolentesque, sicut nec velle debemus, praefatos dominos de capitulo in dictis eorum decimis praemisso modo damnum et diminutionem pati quoquomodo, volumus et vestrae fidelitati firmiter praecipimus et utique aliud habere nolentes mandamus, quatenus habita praesentium notitia, alio etiam nostro mandato superinde non exspectato, praedictis populis et inhabitatoribus praedictorum oppidorum, villarum et possessionum aliisque cuiusvis status hominibus vineas in earundem promontoriis tenentibus firmiter et districte verbo nostrae maiestatis committatis, quibus et nos praesentium serie committimus firmissimis regiis in mandatis, ut iidem a modo in antea contradictione sine omni ad primam consuetudinem, quae in solutione et administratione ipsarum decima- [S. 493] rum usque tempus commissionis praenarrati genitoris vestri observata fore asseritur, revertentes, decimas vinorum ex ipsorum vineis in promontoriis praedictis adiacentibus procreandorum¹⁾ dictis dominis et capitulo provenire debentes, ad loca foliatorum per dominos de capitulo aut eorum decimatores in faciebus iam tactorum oppidorum, villarum et possessionum iuxta praedictam antiquam consuetudinem erigendorum apportare et eisdem dominis de capitulo et suis decimatoribus extradare modis omnibus debeant et teneantur. Alioquin tales et rebelles, huiusmodi nostra regalia mandata contra praenarratam antiquam consuetudinem infringere ausu temerario attentantes, per eorum incommoda et gravamina ad ea observanda arctius compellatis et astringatis nostra regia auctoritate vobis praesentibus in hac parte attributa mediante. Et hoc idem iniungimus egregio Lorando Lepes de Waraskezy vicevaivodae ac castellanis et vicecastellanis vestris in dicto castro nostro Kykellewar nunc constitutis ac futuris vaivodis vel vicevaivodis necnon castellanis et vicecastellanis quibuscumque in praedicto castro Kykellewar constituendis inconcusse et inviolabiliter observari. Et aliud sub obtentu nostrae gratiae nequaquam facere ausuri in praemissis nec audeant modo aliquali. Praesentibus perlectis exhibenti restitutis. Datum Senis, civitate nostra imperiali partium Italiae, in festo beati Thomae apostoli, anno domini M^o CCCC^o XXX^o secundo, regnorum nostrorum anno et cetera XLVI^to, Romanorum XXIII^o et Bohemiae tredecimo.

Unter dem Siegel: Commissio propria domini regis.


1) Vorlage: procreandis.^{^}