Urkunde Nr. 2251 aus Band IV

Seite im UB:

593-594 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 75.

Druckvorlage:

nach Original

Abdruck als:

Volltext

Sprache:

Latein

---

2251

Stuhlweissenburg 1436 Januar 22 König Sigmund beauftragt den Seklergrafen Michael Jakch, die Sachsen von Reps für den ihnen durch einige Sekler zugefügten Schaden zu entschädigen. [S. 594]

Von der Kanzlei: Commissio propria domini imperatoris.

Sigismundus dei gratia Romanorum imperator semper augustus ac Hungariae, Bohemiae, Dalmaciae, Croaciae et cetera rex fideli nostro magnifico Michaeli Jakch de Kwssal comiti Siculorum nostrorum salutem et gratiam. Exponit nobis providus vir Petrus dictus Feyer iuratus senior oppidi nostri Kwhalom vocati in sua ac universorum Saxonum nostrorum in eodem oppido commorantium personis gravi cum querela, quomodo quidam Siculi partium nostrarum Transsiluanarum ipsis exponentibus per [ ] ¹⁾ interemptiones verberationesque ac spolationes hominum diversas iniurias, damna et nocumenta intulissent et inferre²⁾ non cessarent in ipsorum praeiudicium et damnum valde magnum. Unde volumus ac tuae fidelitati firmissime mandando praecipimus, quatenus mox visis praesentibus, alio nostro mandato exinde non exspectato, ex parte praefatorum Siculorum, quos iidem exponentes in praemissis culpabiles fore demonstraverint, eisdem super praemissis condignum iudicium ac debitae satisfactionis complementum adeo impendere et exhibere ipsosque exponentes contra praetactos Siculos taliter et adeo protegere et defensare debeas, ut iidem³⁾ contra praedictos Siculos pro illata eis praemissa iniuria nostrae non cogantur querulari maiestati. Quoniam si forsitan praefatorum Siculorum favore allectus praedictis nostris mandatis contrafeceris ex tunc teneas pro constanti, quod praedictis nostris Saxonibus providebimus, quod eisdem super praetactis iniuriis satisfactio impendatur teque poenitebit, praemissa nostra in hac parte contempsisse praecepta atque mandata. Aliud ergo facere non ausurus gratiae nostrae sub obtentu. Praesentes quoque post earum lecturam reddi iubemus praesentanti. Datum in Alba regali, die dominico proximo ante festum conversionis beati Pauli apostoli, anno domini millesimo quadringentesimo tricesimo sexto, regnorum nostrorum anno Hungariae XLIX, Romanorum vigesimo sexto, Bohemiae sedecimo, imperii vero tertio.

Unter dem Siegel: Kanzleibemerkung. [S. 595]


a) Seitenumbruch nach Kopfregest.^{^}

1) Lücke: 2.8 cm. ^{^}
2) Vorlage: inferri.^{^}
3) Hierauf nobis durchgestrichen.^{^}