Urkunde Nr. 2255 aus Band IV

Seite im UB:

597-598

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

2255

Segedin 1436 April 20 König Sigmund befiehlt den Bewohnern Hermannstadts und der sächsischen Stühle, der Weissenburger Kirche die einstmals geraubten Kirchengeräte zurückzugeben.

Von der Kanzlei: Commissio propria domini imperatoris.

Sigismundus dei gratia Romanorum imperator semper augustus ac Hungariae, Bohemiae, Dalmaciae, Croaciae et cetera rex fidelibus nostris magistro civium, iudicibus et iuratis senioribus necnon civibus [S. 598] universisque Saxonibus civitatis nostrae Cibiniensis ac septem sedium sed et aliarum quarumlibet sedium Saxonicalium partium nostrarum Transsiluanarum, harum continentiam et notitiam cernentibus atque habituris, salutem et gratiam. Nostrae in audientiam deductum est maiestatis certorum relatione fide digna, qualiter ex rebus et bonis, puta ornamentis, libris et calicibus ac monstrantiis et clenodiis ecclesiae beati Michaelis archangeli Albensis Transsiluanae, temporibus disturbiorum regni nostri iam dudum sedatis per Saxones, praedecessores scilicet vestros nonnullosque ex vobis, de ipsa Transsiluana ecclesia manu sacrilega raptis, receptis et ablatis, nonnulla immo plurima apud vos et in vestri medio seu erga aliquos ex vobis in specie haberentur, quae hactenus ipsi ecclesiae sancti Mychaelis reddere et restituere dissimulassent et distulerunt dissimularetisque et recusaretis etiam de praesenti, quod in detrimentum animarum suarum et vestrarum cedit nimis grave. Verum cum vos ad restitutionem talismodi ablatorum etiam divina lege iubente, quae dicit, quod peccatum non dimittitur donec restituatur ablatum, teneami[ni in](1) effectu, igitur volumus vestraeque ac cuiuslibet vestrum fidelitati firmissime et seriosissime praecipimus et mandamus, quatenus habita praesentium notitia, omnibus dissimilationibus et difficultatibus procul motis, omnes et singulas res atque bona necnon ornamenta, libros, calices, monstrantias [et a]lia¹⁾ quaelibet clenodia annotatae ecclesiae beati Michaelis archangeli Transsiluanae, praesertim eas et illa qu[ae praesenti tempore apud]²⁾ quospiam vestrum in specie habentur, eidem ecclesiae et per consequens dominis de capitulo beati [Michaelis archangeli reddere et restituere]²⁾ modis omnibus debeatis. Secus gratiae nostrae sub obtentu facere [non ausuri].³⁾ Praesentibus perlectis exhibenti restitutis. Datum Zegedini, feria sexta proxima ante festum beati Georgii martyris, anno domini M^o CCCC^o XXXVI^o, regnorum nostrorum anno Hungariae et cetera quinquagesimo, Romanorum vigesimo sexto, Bohemiae XVI^to, imperii vero tertio.

Unter dem Siegel: Commissio propria domini imperatoris.


1) Lücke 1 cm.^{^}
2) Lücke 7.8 cm. [2x]^{^}
3) Lücke 3.5 cm.^{^}