Urkunde Nr. 2260 aus Band IV

Seite im UB:

603-604

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

2260

Znaim 1436 Mai 31 König Sigmund verbietet Stephan, dem Sohne des Ladistaus von Losoncz, von den Klausenburgern in Bonţida/Bonczhida und Huedin/Bánffyhunyad Zölle einzuheben.

Von der Kanzlei: Commissio propria domini imperatoris.

Sigismundus dei gratia Romanorum imperator semper augustus ac Hungariae, Bohemiae, Dalmaciae, Croaciae et cetera rex fideli nostro egregio Stephano filio quondam Ladislai filii bani de Losoncz salutem et gratiam. Veniens nostrae maiestatis in conspectum fidelis noster magister Johannes iuratus civis et notarius civitatis nostrae de Colosvar sua ac iudicis et ceterorum iuratorum ac universorum aliorum civium et hospitum necnon totius communitatis iam fatae nostrae civitatis Coloswar in personis nobis exposuit gravi cum querela, quod licet ipsi antiquis eorum libertatibus per divos reges, nostros videlicet praedecessores, ipsis concessis ac diuturna ipsorum consuetudine in locis tributorum in Bonczhyda et Hwnyad exigi consuetorum ab olim de quibuscumque eorum rebus mercimonialibus atque bonis nullum tributum solverint nullamve tributariam solutionem fecerint, tamen nunc a tempore, cuius iam revolutio praeterisset annualis, tu in locis praedictorum tributorum tuorum a praenominatis civibus et hospitibus nostris rebusque et bonis eorum contra praenarratas eorum libertates et consuetudines tributum exigi fecisses et¹⁾ facere non cessares de praesenti, quod in eorundem²⁾ praeiudicium et damnum cederet manifestum, supplicans ipse magister Johannes nominibus quibus supra ipsis superinde per maiestatem nostram de remedio provideri opportuno. Et quia nos memoratos cives et hospites ac totam communitatem praelibatae nostrae civitatis Coloswar antiquis eorum libertatibus et consuetudinibus irrefragabiliter potiri et gaudere ipsosque contra huiusmodi eorum libertates et consuetudines per neminem regnicolarum nostrorum impediri vel molestari volumus quoquomodo, igitur fidelitati tuae firmissime praecipiendo mandamus, quatenus receptis praesentibus praemissis taliter quemadmodum per praenarratum magistrum Johannem nostrae narrata et exposita sunt maies- [S. 604] tati stantibus et se habentibus, a modo in posterum a praenominatis nostris civibus et hospitibus ac tota communitate ipsius civitatis nostrae Coloswar rebusque et bonis eorum mercimonialibus in locis praetactorum tuorum tributorum nullum tributum nullamve tributariam solutionem petere et exigere petique et exigi facere praesumas, sed sinas ipsos cum cunctis eorum rebus et bonis per loca dictorum tuorum tributorum quiete et pacifice ac absque omni tributaria solutione totiens quotiens iidem voluerint ire et redire atque proficisci. Insuper quoque super omnibus rebus et bonis ab eisdem civibus et hospitibus nostris ratione tributariae solutionis per tuos familiares seu tributarios minus iuste ablatis et receptis eisdem plenariam et omnimodam impendere debeas satisfactionem. Qui si feceris bene quidem, alioquin commisimus et harum serie firmiter committimus fidelibus nostris magnificis Petro Cheh de Lewa et Ladislao de Chaak vaivodis partium nostrarum Transsiluanarum, ut ipsi scita praemissorum mera veritate praetactos cives et hospites nostros in dictis antiquis eorum libertatibus et consuetudinibus contra te et praedictos tuos tributarios indemnes et illaesos debeant conservare teque ad huiusmodi mandatorum nostrorum plenariam observationem artius compellant et astringant nostrae maiestatis in persona et auctoritate ipsis praesentibus in hac parte attributa et iustitia mediante. Secus ergo non facturus in praemissis. Praesentibus denique perlectis exhibenti restitutis. Datum Znoymae partium Morauiae, feria quinta proxima post festum Penthecostes, anno domini M^o CCCC^o XXX^o sexto, regnorum nostrorum anno Hungariae et cetera quinquagesimo, Romanorum XXVI, Bohemiae XVI, imperii vero quarto.<fnz>

<fnzt>1) Fehlt 1592.</fnzt> <fnzt>2) Erstes und zweites Original: earundem.</fnzt>