Urkunde Nr. 495 aus Band I

Seite im UB:

450-451

Druckvorlage:

nach Original

Abdruck als:

Volltext

Sprache:

Latein

---

495

1331 Dezember 31 Das Weissenburger Kapitel beglaubigt die Urkunde des Königs Karl von 1318 Nr. »354 für die Stühle Mediasch und die beiden Schelk.

[S. 451] Capitulum ecclesiae Transsiluanae omnibus Christi fidelibus praesentem paginam inspecturis salutem in omnium salvatore. Ad universorum notitiam tam praesentium quam futurorum harum serie volumus pervenire, quod accedens ad nostram praesentiam comes Arnoldus de Britholm nomine Saxonum ad sedem de Medieszek, Seelk et Sachzeelk pertinentium exhibuit nobis quasdam literas privilegiales domini nostri Karoli dei gratia illustris regis Hungariae cum sigillo suo antiquo sigillatas petens nos nomine eorundem hospitum, ut praedictas literas privilegiales transscribi faceremus et sigillo nostro communiri. Quarum literarum tenor talis est. (Folgt die Urkunde des Königs Karl von 1318 Nr. »354.) Nos igitur petitionibus praedicti Arnoldi licitis ac honestis annuentes ut debemus, quia ipsas literas privilegiales comperimus integras in sigillo et in charta non abrasas¹⁾, non cancellatas nec in aliqua sui parte vitiatas, tenorem earundem de verbo ad verbum transscribi fecimus et sigilli nostri munimine communiri. In cuius rei memoriam praesentes concessimus literas pendentis sigilli nostri munimine roboratas. Datum in festo beati Siluestri papae et confessoris, anno domini M^o C^o C^o C^o tricesimo primo. Dominico praeposito, Santo cantore, Thoma custode et Adriano decano ecclesiae nostrae existentibus.


1) Vorlage: abras.^{^}