Urkunde Nr. 5327 * aus Band VIII

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 545.

Druckvorlage:

nach Original

Abdruck als:

Volltext

Sprache:

Latein

---

5327 *

Ofen 1493 November 21 König Wladislaw II. bestätigt auf Ansuchen des Hermannstädter Bürgermeisters Johannes Agatha und des geschworenen Bürgers Nicolaus Zenobii namens aller Sachsen der Sieben Stühle die Urkunde König Matthias von 1486 Nr. »4623 mit der Urkunde König Sigismunds von 1406 Nr. »1551, der Urkunde des gleichen Königs von 1387 Nr. »1214 enthaltend die Urkunde der Königin Maria von 1383 Nr. »1172 mit der Urkunde König Ludwigs I. von 1366 Nr. »860 enthaltend die Urkunde Karls I. Robert von 1317 Nr. »350 mit der Urkunde Andreas II. von 1224 Nr. »43 über die Freiheiten der Siebenbürger Deutschen von Broos bis Draas.

Von der Kanzlei: Commissio propria domini regis.

Wladislaus dei gracia,¹⁾ Hungariae, Bohemiae, Dalmaciae, Croaciae, Ramae, Serviae, Galliciae, Lodomeriae, Comaniae Bulgariaeque rex necnon Slesiae et Lucemburgensis dux marchioque Morauiae et Lusaciae et cetera omnibus Christi fidelibus praesentibus pariter et futuris praesentium notitiam habituris salutem in omnium salvatore. Laudabile et pulcrum est maximeque principibus convenit, ut fideles subdito in hiis libertatum praerogativus que eisdem a divis condam regibus collatae sunt et concessae benigne foveant, tueantur et conservent et ne privilegia eorum vetustate pereant novis privilegiorum monumentis roburent atque confirment. Proinde ad universorum noticiam harum serie volumus pervenire, quod fideles nostri prudentes et circumspecti Johannes Agotha magister civium ac Nicolaus Zenobii iuratus civis civitatis nostre Cibiniensis in ipsorum ac universorum aliorum Saxonum nostrorum septem sedium Saxonicalium nominibus et in personis exhibuerunt nobis et praesentaverunt quasdam literas serenissimi principis condam domini Matthiae regis Hungariae et Bohemie et cetera immediati predecessoris nostri felicis reminiscencie sub dupplici autentico sigillo suo privilegialiter confectas, quibus mediantibus idem quondam dominus Matthias rex quasdam literas serenissimi item principis condam domini Sigismundi imperatoris et similiter regis Hungariae et cetera continentes in se confirmatione tenores certarum literarum condam serenissimae principis Mariae reginae ac Lodovici, Karoli et Andreae regum simili Hungariae super certis libertatibus eorundem Saxonum nostrorum confectarum confirmasse dinoscebantur tenorum infrascriptorum supplicantes nobis humiliter, ut easdem literas et omnia in eisdem contenta ratas, gratas et accepta habentes literisque nostris privilegialibus de verbo ad verbum inseri et inscribi facere pro eisdem universis Saxonibus nostris praesentibus et futuris innovantes perpetuo valituras confirmare dignaremur. Quarum quidem literarum tenor talis est: (Folgt die Urkunde König Matthias von 1486 Nr. »4623 mit der Urkunde König Sigismunds von 1406 Nr. »1551, der Urkunde des gleichen Königs von 1387 Nr. »1214 enthaltend die Urkunde der Königin Maria von 1383 Nr. »1172 mit der Urkunde König Ludwigs I. von 1366 Nr. »860 enthaltend die Urkunde Karls I. Robert von 1317 Nr. »350 mit der Urkunde Andreas II. von 1224 Nr. »43.) Nos igitur praemissa supplicatione praefati Johannis Agotha magistri civium et Nicolai Zenobii civis pro eos nostre modo quo supra porrecta maiestati regia benignitate exaudita et clementer admissa praedictas literas dicti condam domini Matthiae regis non abrasas, non cancellatas neque in aliqua sui parte suspectas, sed omni prorsus vitio et suspicione carentes praesentibus literis nostris similiter privilegialibus de verbo ad verbum sine diminucione et augmento aliquali insertas, quoad omnes earum continentias clausulas et articulos, eatenus quatenus eaedem rite et legitime existunt emanatae consideratis fidelitate et serviciis eorundem universorum Saxonum nostrorum, que iidem sacrae huius regni nostri Hungariae coronae ac deinde maiestati nostrae ab inicio usque regiminis nostri in omnibus fortunae nostrae casibus integerrima semper fide constantissime exhibuerunt et impenderunt. Easdem itaque literas et omnia in eisdem contenta pro eisdem universis civibus et Saxonibus nostris praefatarum septem sedium Saxonicalium praesentibus et futuris innovantes perpetuo valituras confirmamus praesentis scripti nostri patrocinio mediante. Datum per manus reverendi in Christo patris domini Thomae episcopi Jauriensis ac postulati Agriensis ecclesiarum, aulae nostrae summi et secretarii cancelarii fidelis nostri dilecti, Budae vigesima prima die mensis Novembris, anno domini millesimo quadringentesimo nonagesimo tertio, regnorum nostrorum Hungariae et cetera anno quarto, Bohemiae vero vigesimo tertio. Venerabilibus in Christo patribus dominis Hyppolito Esthensi de Aragonia electo et confirmato Strigoniensi, Petro Colocensi archiepiscopis, eodem Thoma postulato Agriensis, Osvaldo Zagrabiensis, Valentino Waradiensis, Ladislao Transsilvaniensis, Sigismundo Quinqueecclesiensis, praefato Thoma Jauriensis, Johanne Wesprimensis, Luca Chanadiensis, Nicolao de Bathor Waciensis, Anthonio Nitriensis, Stephano Sirmiensis, Gabriele electo Boznensis, Briccio electo et confirmato Thimensis, Cristoforo Modrusiensis, Michele electo Segniensis ecclesiarum episcopis, ecclesias dei feliciter gubernantibus, item magnificis Stephano de Zapolya comite Scepusiensi et regni nostri Hungariae palatino, honore iudicatus curiae nostrae vacante, Ladislao de Lossoncz et Bartholomeo Dragfy de Belthewk waywodis nostris Transsilvanis, Paulo de Kynys comite Themesiensi ac generali supremoque capitaneo parcium regni nostri inferiorum, honore banatus regnorum nostrorum Dalmaciae, Croaciae et Sclavoniae vacante, Georgio More de Chwla et Francisco Ballassa de Gyarmath Zewriniensibus banis, Petro Gereb de Wingarth et Nicolao Banffy de Lyndwa janitorum, Ladislao de Egerwara thavernicorum, Georgio de Kanysa et Johanne Bebek de Pelsewcz pincernarum, Emerico de Peren dapiferorum, Johanne Ernnsth de Chakthornya agazonum, Blaslo de Rastka cubiculariorum nostrorum regalium magistris aliisque compluribus nostris et regni nostri officia tenentibus et honores.


a) Unten Abbildung des Doppelsiegels König Wladislaws II. an vorliegender Urkunde, »Avers bzw. »Revers.^{^}

1) Bis hierher grössere Schrift mit Zierinitialen.^{^}

Avers


Revers