Urkunde Nr. 5417 * aus Band VIII

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 564.

Druckvorlage:

nach Original

Abdruck als:

Regest

Sprache:

Latein

---

5417 *

1494 September 8 König Wladislaw II. bestätigt auf Ersuchen von Bürgermeister, Richtern und geschworenem Rat von Hermannstadt und der Sieben und Zwei Stühle die Urkunde des Königs Matthias von 1477 Nr. »4187 über die Unterstellung der Abtei Kerz unter die Hermannstädter Propstei unter der Bedingung, dass die Hermannstädter in der Abtei fortwährend drei unbescholtene, nicht liederlich herumreisende Zisterzienser oder drei oder vier rechtschaffene Weltgeistliche zur Vesehung des Gottesdienstes anstelle, das Kloster in baulichen Stand setzen und nicht wieder in Verfall geraten lassen und für die ununterbrochene Abhaltung der Donnerstagsmessen zu Ehren des heiligen Leichnams in der Propsteikirche Sorge tragen.

Von der Kanzlei: Commissio propria domini regis.

Wladislaus dei gracia Hungariae, Bohemiae, Dalmaciae, Croaciae, Ramae, Serviae,¹⁾ Galliciae, Lodomeriae, Bulgariae Comaniaeque rex necnon Slesiae et Lucemburgensis dux marchioque Morauiae et Lusaciae et cetera omnibus Christi fidelibus praesentibus pariter et futuris praesentium notitiam habituris salutem in omnium salvatore. Ad universorum noticiam harum serie volumus pervenire, quod fideles nostri prudentes et circumspecti magistro civium ac iudices et iurati seniores huius ciivatis nostre Cibiniensis ac septem et duarum sedium Saxonicalium parcium regni nostri Transsilvanarum nostrum venientes in conspectum in ipsorum ac ceterorum universorum Saxonum nostrorum eiusdem civitatis nostre ac septem et duarum sedium nominibus et in personis exhibuerunt nobis et praesentaverunt quasdam literas serenissimi principis condam domini Matthiae regis Hungariae et Bohemie et cetera immediati praedecessoris nostri dive memorie privilegialiter sub sigillo suo secreto, quo ut rex Hungariae usus est, confectas, quibus mediantibus idem condam dominus Matthias rex abbaciam monasterii de Kercz similcum omnibus suis possessionibus, iuribus, proventibus, emolumentis et utilitatum cunctarum integritatibus quocumque nominis vobabulo vocitatis, ex causis et rationibus ac modo et condicionibus inferius in tenore earundem literarum clarius contentis ad praeposituram ecclesiae beatae Mariae virginis in praetacta civitate nostra Cibiniensi fundate in perpetua dicionem et proprietate annexisse et adiunxisse dinoscebatur tenoris infrascripti supplicantes maiestati nostrae humiliter, ut easdem literas et omnia in eisdem contenta ratas, gratas et accepta habere literisque nostris similiter privilegialibus de verbo ad verbum inseri et inscribi facientes pro praefata praepositura dictae ecclesiae beatae Mariae virginis consequenteruqe eisdem universis Saxonibs nostris praesentibus et futuris innovantes perpetuo valituras confirmare dignaremur. Quarum quidem literarum tenor talis est: (Folgt die Urkunde König Matthias von 1477 Nr. »4187). Nos igitur praemissis supplicacionibus praefatorum magistri civium ac iudicum et iuratorum seniorum pro eos maiestati nostri modo quo supra porrectis regia benignitate exauditis et clementer admissis praescriptas literas dicti condam domini Mathie regis non abrasas, non cancellatas nec in aliqua sui parte suspectas, sed omni prorsus vitio et suspicione carentes praesentibus literis nostris similiter privilegialibus de verbo ad verbum sine diminucione et augmento aliquali insertas, quoad omnes earum continentias clausulas et articulos, eatenus quatenus eaedem ritae et legittimae existunt emanatae viribusque earundem veritas suffragatur, acceptandum duximus et approbandum. Ita tamen et hac lege, quod praefati Saxones nostri de Czibino pro tempore constituti in praedicta abbacia de Kercz continue tres monachos probos et non disslutos seu vagos praedicti ordinis Cisterciensis vel saltem tres aut quatuor bonos et probos presbiteros saeculares servare debeant, qui divina officia sine negligencia aliqua peragat. Quoque monasterium ipsum bono modo in aedifficiis reforment illudque deinceps a ruina preservet et denique missam illam de sacratssimae corpore Christi singulis feriis quintis prout ordinatum est perpetuis temporibus sine ulla negligencia et intermissione in dicta praepositura solemniter decantare faciat, alioquin praesens nostra convirmacio sed et annexio praefati condam domini Mathie regis nullius robris nullius etiam vigoris sint et habeantur. Immo acceptamus, approbamus et ratificamus easque et omnia in eisdem contenta pro praefata praepositura dictae ecclesiae Cibiniensis consequenterque dictis universis Saxonibus nostris praesentibus et futuris innovantes perpetuo valituras confirmamus praesentis scripti nostri patrocinio mediante. In cuius rei memoriam firmitatemque perpetuam praesentes literas nostras privilegiales novo dupplici et autentico sigillo nostro impedenti communitas duximus concedendas. Datum per manus reverendi in Christo patris domini Thomae episcopi Jauriensis ac postulati Agriensis ecclesiarum, aulae nostrae summi²⁾ et secretarii cancelarii fidelis nostri dilecti, octava die Septembris, anno domini millesimo quadringentesimo nonagesimo quarto, regnorum nostrorum Hungariae et cetera anno quinto, Bohemiae vero vigesimo quarto. Venerabilibus in Christo patribus dominis Hyppolito Estensi de Aragonia sanctae Romanae ecclesiae cardinali Strigoniensi, Petro Colocensi archiepiscopis, eodem Thoma postulato Agriensis Osvaldo Zagrabiensis, Valentino Waradiensis, Ladislao Gereb Transsilvaniensis, Sigismundo Quinqueecclesiensis summo thesaurario nostro, praefato Thoma Jauriensis, Johanne Wesprimensis, Luca Chanadiensis, Nicolao de Bathor Waciensis, Anthonio Nitriensis, Sirmiensis sede vacante, Gabriele electo et confirmato Boznensis, Briccio electo et confirmato Timiniensis, Cristofforo Modrusiensis, Michele electo Segniensis ecclesiarum episcopis, ecclesias dei feliciter gubernantibus, item magnificis Stephano de Zapolya comite Scepusiensi ac regni nostri Hungariae palatino, comite Paulo de Kinys iudice curiae nostrae ac comite Themesiensi generalique et suppremo capitaneo partium regni nostri inferiorum, Bartholomeo Dragffy de Belthewk wayvoda Transsilvano, Ladislao de Kanysa regnorum nostrorum Dalmaciae, Croaciae et Sclavoniae, Georgio More de Chwla Zewriniensi banis, Petro Gereb de Wyngarth, et Nicolao Banffy de Lyndwa janitorum, Ladislao de Egerwara thavernicorum, Georgio de Kanysa et Johanne Bebek de Pelsewcz pincernarum, Emerico de Peren dapiferorum, Johanne Ernsth de Chaakthornya agazonum et Blaslo de Rastka cubiculariorum nostrorum regalium magistris aliisque quamplures curiae et regni nostri officia tenentibus et honores.

Auf der Rückseite von der Kanzlei: Reg[estrata] folio CXVI. Anno 1494.


1) Bis hierher grössere Schrift mit Zierinitialen.^{^}
2) Weiterer Text unter der Plica.^{^}