Urkunde Nr. 519 aus Band I

Seite im UB:

471-472 ^a)

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Heutige Signatur:

[= UB Nr. »526]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

519

Wissegrad 1336 Februar 18 König Karl beauftragt das Grosswardeiner Kapitel, bei Einführung des Weissenburger Kapitels in den Besitz von Schlatt mitzuwirken.

Karolus dei gratia rex Hwngariae fidelibus suis capitulo ecclesiae Waradyensis salutem et gratiam. Noveritis quod venerabilis in Christo pater dominus Andreas eadem gratia episcopus Transsiluanus dilectus nobis et fidelis ad praesentiam nostrae serenitatis accedendo su[b] querulosa propositione vice et nomine capituli ecclesiae suae nostram exinde flagitans excelleutiam sublimitati nostrae humiliter et devote significare curavit, quod quidam ipsius ecclesiae suae aemuli quandam possessionem eiusdem ecclesiae videlicet ad capitulum pertinentem³⁾ Zalathna nominatam in medio Saxonum Chibinyensium adiacentem in praeiudicium iuris ecclesiae praedictae detinerent occupatam, ut quemadmodum magnificus vir Thomas vaivoda Transsiluanus et comes de Zonuk fidelis proximus noster ibi in instanti affirmavit, eandem possessionem ad eandem ecclesiam se audivisse pertinere et ad⁴⁾ uberiorem rei evidentiam exhibitione privilegiorum nostrorum sigillo nostro mediocri in partibus Transalpiuis deperdito consignatorum, eandem possessionem ipse dominus episcopus ad ius et proprietatem capituli memoratae ecclesiae Trans- [S. 472] siluanae rationabiliter pertinere evidenter declaravit. Verum quia nos praescriptam ecclesiam beati Mychaelis archangeli ad instar aliorum regum priorum progenitorum nostrorum speciali gratia regiae pietatis prosequi intendimus et amplecti alienataque bona ab eadem nostris in temporibus nostrae est intentionis in statum pristinum revocari, memoratam possessionem Zalathna cum omnibus utilitatibus et pertinentiis seu attinentiis suis universis sub terminis et metarum limitationibus antiquis, utique ad proprietatem dictae ecclesiae Transsiluanae pertinentem, de manibus quorumlibet occupatorum retractam sine praeiudicio iuris alieni eidem ecclesiae pleno iure et dominio duximus restituendam. Quare fidelitati vestrae praecipientes mandamus, quatenus mox receptis praesentibus vestrum mittatis hominem pro testimonio fide digmum, quo praesente Nycolaus filius Salamonis de Kelnuk vel Johannes filius Vgrini de Koppan aut Nycolaus dictus Buriw de Gyog aliis absentibus homo noster ad faciem praedictae possessionis accedendo vicinis et cometaneis suis legitime convocatis et praesentibus per veteres et antiquas metas ipsam reambulando novas iuxta veteres ubi necesse fuerit erigendo statuat eandem capitulo praedictae ecclesiae Transsiluanae perpetuo possidendam, si non fuerit contradictum, contradictores vero si qui exstiterint contra ipsum capitulum citet ad praesentiam eiusdem Thomae vaivodae ad terminum competentem. Et post haec diem et locum citationis, nomina citatorum et terminum assignatum ac totius facti seriem cum cursibus metarum dicto Thomae vaivodae fideliter rescribatis. Datum in Wyssegrad, in dominica Invocavit, anno domini M^o CCC^mo XXX^mo sexto.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 3-4 auf S. 471 (1-2 zu voranstehender Urkunde).^{^}

3) Hierauf durchgestrichen und unterpunktirt: Zalathna.^{^}
4) Hierauf durchgestrichen: veb.^{^}