Urkunde Nr. 562 aus Band I
- Seite im UB:
- 512-513
- Heute in:
- Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]
- Heutige Signatur:
- Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 1238 - Abt.42: K. A. Stolzenburg [Parohia Ev. CA Slimnic], Nr. 2.
- Druckvorlage:
- nach Original
- Abdruck als:
- Volltext
- Sprache:
- Latein
562
Wissegrad 1341 Februar 8 König Karl bestätigt einige Adlige von Kaltwasser in dem Besitz der denselben in Tausch gegen Tamaspataka bei [Diemrich /] Deva überlassenen Besitzung Ladamos. Orig. Perg. Evangel. Kirchenarchiv Augsb. Bek. Stolzenburg. Siegel, nur einige Reste vorhanden, rund, in weisses Wachs auf der Rückseite aufgedrückt, derselbe Stempel wie der Avers von Nr.
»515. -- Photographie Hermannst. Archiv. [Weitere Photographie: Ungarisches Landesarchiv Budapest [Magyar Országos Levéltár] DF (Diplomatikai Fényképgyűjtemény) Nr. 292199.]
Rumänische Übersetzung: Documente privind ist. Rom. (
») C, veacul XIV, vol. IV, 6-7. +
Regest: Anjou-kori oklevéltár (
») XXV, 54 Nr. 104. +
Jakó, Codex dipl. Trans. (
») III, 46 Nr. 43. +
Nos Karolus dei gratia rex Hungariae significamus tenore praesentium quibus expedit universis, quod Nicolaus filius Georgii filii Nicolai de Hydegwyz suo, Ders filii Thomae, Wyzlo filii Michaelis, item Johannis et Nicolai filiorum Elyae ac Wyzlo et Akus filiorum Michaelis generationum et proximorum suorum nominibus de eadem Hydegwyz ad nostram veniendo praesentiam exhibens et praesentans nobis quoddam privilegium nostrum mediocri sigillo nostro in partibus Transalpinis deperdito consignatum, conquestus exstitit in hunc modum, quod populi et hospites cuiusdam villae [S. 513] nostrae Zelenduk vocatae ad sedem Scybiniensem spectantis quandam terram seu possessionem Lodomateluk nuncupatam in districtu Scybiniensi sitam per nos ipsis in concambium cuiusdam hereditariae possessionis eorum Tamaspataka vocatae prope castrum Dewa existentis et sic ad tenutas eiusdem castri applicatae perpetuo in filios filiorum mediante dicto privilegio nostro, ut in eodem fide conspeximus oculata, traditam usui eorum applicare usurpare niterentur et etiam quidam alii vicini et commetanei eiusdem possessionis Lodomateluk utilitates eiusdem contra eorum voluntatem percipere conarentur. Igitur cum nos ex suscepti regiminis nostri officio unumquemque regnicolarum nostrorum in suis iuribus indemniter conservare teneamur, illos tamen, quibus nos aliqua iura pro eorum servitiis vel hereditatibus donavimus, favorabilius arbitramur conservandos et confovendos in eisdem, ob hoc nos visis iuribus dictorum nobilium de Hydegwyz consideratisque eorum fidelibus famulatibus dictam possessionem Lodomateluk ut est praemissum per nos ipsis concambialiter traditam sub suis metis et terminis antiquis cum eiusdem utilitatibus et pertinentiis universis dignum duximus restituendum et remitti faciendum, immo ex plenitudine regiae potestatis praefatos populos et hospites nostros de Zelenduk et alios quoslibet vicinos et commetaneos eiusdem ab usurpatione et violenta usufructuum eiusdem perceptione praesentium serie firmiter inhibentes et compescentes praefatis nobilibus de Hydegwyz in filios filiorum et heredum per heredes praesentium patrocinio reddimus, remittimus et restituimus pleno iure possidendam, pacifice tenendam et habendam sine praeiudicio tamen iuris alieni. Datum in Wyssegrad, feria quinta proxima post festum beatae Agathae virginis et martyris, anno domini millesimo CCC
o. XL
mo primo.
Unter dem Siegel: Relatio vaivodae per magistrum Petew.