Urkunde Nr. 666 aus Band II

Seite im UB:

81-83

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kapitel Hermannstadt [Capitlul evanghelic CA Sibiu] (Inventar 298), Urkunden Nr. 9.

Druckvorlage:

nach Original

Abdruck als:

Volltext

Sprache:

Latein

---

666

Hermannstadt 1351 Oktober 24 Statuten des Hermannstädter Kapitels, geschrieben von dem öffentlichen Notar Johannes.

In nomine domini amen. Anno incarnationis eiusdem millesimo C^o C^o C^o quinquagesimo primo, indictione quarta, pontificatus sanctissimi in Christo patris ac domini, domini Clementis papae sexti anno decimo, XXIIII^a die mensis Octobris, hora nona vel quasi nona, in Cybinio in ecclesia parochiali, quae est in laudem virginis gloriosae Mariae matris Christi constructa, in gradu ante summum altare in choro situm, didicatum in honore virginis intactae supra scriptae, quod existit in praesentia mei notarii et testium subscriptorum, ibique quodam modo convenientibus honorabilibus viris et discretis quatuor scilicet dominis et plebanis ecclesiarum capituli Cybiniensis in sede residentibus Cybiniensi cum plena voce omnium dominorum et plebanorum iam dictae sedis ut veris et legitimis arbitris parte ex una, quatuor vero dominis et plebanis sedis Schenk etiam capituli Cybiniensis diocesis Strigoniensis nomine et vice omnium dominorum et plebanorum sedis iam dictae tamquam arbitris canonice creatis parte ex altera quasdam constitution es pro [S. 82] honore et utilitate capituli Cybiniensis iugiter observabiles et semper irrevocabiles ordinaverunt et constituerunt. Quarum constitutionum prima est ista, si aliquis ad praesentiam decani citatus fuerit et convictus in causa succubuerit et satisfacere non curaverit, tunc idem convictus sive reus debet admoneri, ut infra octiduum actori satisfacere non obtardet. Cui monitioni si reus non pareret ipsam cum effectu prosequendo, illico cum tota sua familia domestica vel inquilina suspendatur ecclesiae ab ingressu, et si animo indurato non satisfaciendo actori in poena suspensionis per octo dierum sequentium spatium reus aut convictus ut praescriptum est obdormiret quod absit, protinus vinculo excommunicationis innodetur, si vero obstinanti et cervice praeopposito¹⁾ in dicta excommunicatione reus actori non satisfaciendo per triduum perhoraret, continuo ecclesiasticum debet poni interdictum et cessari a divinis attamen secluso. Si sacerdos ad sanguinis laederetur effusionem, tunc absque omni intervallo cessandum est a divinis et statim ecclesiasticum poni interdictum. Secunda autem conditionum est ista, si aliquis citare voluerit partem adversam, quod decanus pro sigillo non plus nisi tres novos banales monetae consuetae exposcat vel requirat, quos III banales reus si in causa succubuerit actori solvere teneatur. Sed si aliquis dominorum de capitulo plebanorum Cybiniensi eguerit sigilli decani, gratis decanus et sine pecunia largiatur eidem pro partis adversae citatione. Tertia conditio est ista, si aliquem liti cedentem contingat facere iuramentum ad evadendum partem agentem, domino decano non plus nisi viginti banales solvere teneatur, si autem duo iurarent, tunc pro quolibet iuramento decanus recipiat XX banales et sic erunt de duobus iuramentis banales XL. Sed si ultra tres aut quatuor vel quinque vel sex vel plures quotcumque²⁾ essent unius causae gratia iurare contingeret et opporteret, decanus nil nisi fertonem antiquorum banalium sive fertonem argenti extorquat et exposcat. Quarta conditio est ista, si post obitum alicuius plebani capituli saepe dicti in ecclesiam vacantem alter per decanum, ut consuetudo terrae docet et privilegia testantur, fuerit investiendus, de prandio quod investitus facere tenetur nihil dirivetur decano partialiter sed iuxta valorem ecclesiae collatae recepta pecunia pro usu capituli iam reservetur communi dicti Cybiniensis, prout consulunt domini de capitulo seniores et discretiores. Est vero conditio quinta, quod nullus vendat suae ecclesiae decimas futuras et non deservitas, sed deservitas si placet vendat quilibet dominorum de capitulo supra scripto cum scitu tamen decani Cybiniensis, cuius decani iam nominati literas habeat emptor testimoniales et recognitiales,³⁾ quas si non haberet literas emptio frustratoria sit et nulla. Et si humanitus quod in vendente evenerit scilicet in exsolutione debiti carnis universae, cum iuxta dictum Pauli civitatem manentem non haberemus in hoc mundo, emens nihil in huiusmodi possit solutione ab successore quidpiam repetere nec repetendi habere facultatem. Hoc tamen addito, quod pro satisfactione talis literae testimonialis et sigilli appressione in venditione decimarum ut praemissum est decanus sine omni reclamatione dimidium [S. 83] fertonem argenti vel antiquorum banalium sit percepturus et repetiturus. Conditio autem sexta est ista, si aliquis citatus per decanum indebite aggravaretur vel citanti iuris non fieret complementum, ex tunc pars quaecumque se per decanum pro tunc sentiret aggravatam, ad capitulum seu dominos appellet Cybinienses contra iudicis gravamen indebitum excipiendo, ut ibi visis munimentis partis utriusque domini de capitulo id quod decreverint parti utrique iudicent ad plenariam in quam partes stent contentae iurisdictionem. Quod etiam decanus nullibi iudicet, etiam si aliquis in sede Schenk vel in sede Loeskirchen in tempore succedenti eligeretur, nisi in ecclesia Cybiniensi, ubi singulis tertiis feriis ante altare beatae virginis ad minus cum duobus assessoribus, qui sint duo domini de capitulo Cybiniensi, iudicare et cum sollennitate iudicium celebrare non obmittat nec aliquam ferat sententiam contra aliquem nisi de assessorum consensu, et si quam ferret sententiam decanus aliquis sine certo scitu assessorum plenoque consensu, haec sententia frustratoria, frivola, irreputabilis sit quoque nulla. Septima quoque conditio haec, quod quandocumque vel quotiescumque aliquae fiunt convocationes ad capitulum saepe dictum generale, quod non nisi duo domini de sede Schenk, quoscumque alii domini eiusdem sedis decreverint mittendos, venire et capitulo interesse sint astricti, nisi sit grandis causa vel in electione decani. Octava conditio sive constitutio est, quod in collectione census praepositi quilibet debeat dare finum argentum iuxta suae ecclesiae valorem in qua noscitur residere, collectori autem nihil ex toto dare pro aliquo munere vel laboris recompensa teneatur aliquis plebanorum, sed ipse collector a censu quatuor domorum suae ecclesiae solvendo sit pro suo labore quietus et solutus pro sui laboris mercedeque totali. Nona et ultima est haec, quod pro satisfactione cimiterii in aliquo homicidio a parentibus et relictis occisi nihil repetere habeat decanus nec plebanus, cuius occisus exstitit plebizanus, sed ab homicida et suis praedicta satisfactio scilicet pro cimiterio est repetenda suaque bona mobilia vel immobilia proinde arestanda et occupanda, quousque decano et plebano satisfactum fuisse dignoscatur. Cum ergo ea quae fiunt in tempore simul ut labitur tempus elabescant, nos arbitri praedicti in contextu octo scilicet numero praesentem pagascriptionem per Johannem notarium publicum infra scriptum publicari fecimus et in formam publicam mandavimus redigi per eundem et pro maiori cautela sigillo nostro Cybiniensi communiri. Actum et datum anno, indictione, pontificatu, mense, die, hora, loco quibus supra. Praesentibus dominis domino scilicet Nicolao plebano in Paruo horreo et decano Cybiniensi, domino Johanne dominoque Arnoldo plebanis in Alcznonia et villa Epponis diocesis Strigoniensis testibus ad praescripta vocatis.

Notar-Zeichen. <re>Et ego Johannes Johannis de Lerinda publicus auctoritate imperiali notarius his omnibus prout supra leguntur praesens interfui et rogatus scripsi et in hanc publicam formam redegi nomineque meo et signo sueto signavi in testimonium omnium praemissorum sub sigillo capituli Cybiniensis praesentibus testibus supra nominatis.</re> [S. 84]


1) Vorlage: praeoposo.^{^}
2) Vorlage: quod cumque.^{^}
3) Vorlage: recognitas [zwei Striche über Wortende]. Der Schreiber setzt oft zwei Abkürzungsstriche für einen, ausgelassenen Buchstaben. ^{^}