Urkunde Nr. 877 aus Band II

Seite im UB:

274-275

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

877

1366 November 24 Das Weissenburger Kapitel schaltet die Urkunde des Königs Ludwig I. von 1366 Nr. »875 ein und berichtet dem Könige, dass die Hattertbegehung von Schwarzwasser und Waraliafalu stattgefunden hat und dass diese Besitzungen von dem Ländergebiete des walachischen Woiwoden Ladislaus abgesondert worden sind.

Excellentissimo principi domino Lodouico dei gratia illustri regi Hungariae domino ipsorum naturali capitulum ecclesiae Transsiluanae orationum suffragia devotarum cum perpetua fidelitate. Noveritis nos literas vestras honore quo decuit recepisse in haec verba. (Folgt die Urkunde des Königs Ludwig I. von 1366 Nr. »875.) Nos enim mandatis vestrae excellentiae obtemperare cupientes ut tenemur una cum nobili viro Petro vicevaivoda Transsiluano homine vestro nostrum hominem videlicet Stephanum [S. 275] sacerdotem de choro nostro ad praemissa mandata vestra fideliter exequenda duximus transmittendum. Qui demum ad nos reversi nobis concorditer retulerunt, quod ipsi feria sexta proxima post octavas festi beati Martini confessoris¹⁾ ad facies possessionum Johannis filii Petri de Dyznoyo Ffeketevyz et Waraliafalu vocatarum accessissent ac easdem circumquaque mediante iustitia reambulando a terra seu tenutis magnifici viri domini Ladislai vaivodae Transalpini per erectiones novarum metarum prout inferius declarabitur distinguendo separassent²⁾ hoc modo. Primo enim in uno monticulo versus orientem unam metam terream, deinde descendendo per unam vallem ad unum meatum apud Kysthurnoda vocatum^a) transeundo ipsum meatum ad plagam occidentalem unam metam terream erexissent, abhinc perveniendo usque fluvium Ffeketevyz vocatum quinque metas terreas in locis necessariis successive sublimassent, tandem ipsum fluvium transeundo ultra unam metam de qua ascendendo per unum montem aliam metam terream, ulterius declinando versus plagam meridionalem per unam parvissimam vallem ad unum monticulum in quo unam metam de qua transeundo per unum berch unam metam, abhinc ad quendam fluvium Redembah vocatum descendendo transit eundem fluvium circa quandam metam antiquam novam metam terream erexissent, quae distinguit et separat inter possessiones Waralia et Kakoua, abhinc procedendo ad aliam metam antiquam pervenissent, quam cum alia meta terrea renovassent ulterius ad unum montem Magasheg vocatum tendit et in supercilio eiusdem unam metam terream, deinde tendit usque alpes et sic metae praedictarum possessionum Ffeketevyz et Waralia terminantur. Quibus quidem reambulationibus ac novarum metarum erectionibus factis praenominatum Johannem filium Petri de Dyznoyo in dominio dictarum possessionum et suarum metarum ac pertinentiarum earundem reliquissent pacifice et quiete. Datum feria tertia proxima ante festum beatae Katerinae virginis et martyris, anno praenotato.


a) Nachtrag UB II 756 statt: vocatae.^{^}

1) November 20.^{^}
2) Vorlage: seperassent.^{^}