Urkunde Nr. 904 aus Band II

Seite im UB:

302-303

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

904

1367 September 12 Der Kolozsmonostorer Konvent schaltet die Urkunde des Vizewoiwoden Peter von 1367 Nr. »903 ein und berichtet dem Vizewoiwoden über den Streit zwischen Donnersmarkt und dem Weissenburger Kapitel.

Nobili viro et honesto Petro vicevaivodae Transsiluano amico eorum honorando conventus monasterii beatae Mariae virginis de Clusmonostra [S. 303] orationes in domino. Noveritis nos literas vestras honorifice recepisse in haec verba. (Folgt die Urkunde des Vizewoiwoden Peter von 1367 Nr. »903.) Nos enim iustis et legitimis petitionibus vestris annuentes ut tenemur una cum praedicto Johanne dicto Zaas nomine vestro nostrum hominem fratrem Emericum sacerdotem de medio nostri ad praemissa fideliter peragenda duximus transmittendum. Demum exinde ad nos reversi nobis consona voce retulerunt, quod ipsi a nobilibus et ignobilibus laicis et clericis cuiusvis status et conditionis hominibus palam et occulte diligenti inquisitione praehabita de praemissis talem scire et investigare potuissent veritatem, quod universi populi seu hospites de villa Munera armatis manibus et potentiarus contra procuratores honorabilis capituli ecclesiae Transsiluanae ac hominem vestrum et nostrum testimonium insurgentes eosdem interficere voluissent et a facie terrae ipsos violenter aufugassent¹⁾ metasque per ipsos erectas facta legitima statutione dictae particulae terrae eodem die penitus destruentes et annihilantes. Demum his non contenti fenilia in facie ipsius particulae terrae existentia pro ipsis falcassent et congregassent ac utilitates eiusdem perciperent propria eorum auctoritate mediante, nihilominus continue iobagionibus eorum de praedicta Chergeud minas mortis imponerent. Tandem propter maioris rei evidentiam una cum hominibus comitis provinciae Albensis ac iudicum nobilium de eodem, qui etiam ad easdem inquisitiones faciendas destinati fuissent, ad iam dictos populos seu hospites de Munera personaliter accessissent requisitos habuissent, quamobrem metas legitime et rite erectas propria eorum auctoritate et potentia destruxissent, zelantes furibunde respondissent, non ut semel, secundario aut tertiario erigerent, immo si decies de novo metas apponerent, penitus ex toto destruerent et omnes fructus seu utilitates praenotatae possessionis Chergeud uti et perfrui consuevissent, adhuc more solito incessanter uterentur. Datum dominica proxima ante octavas festi nativitatis virginis gloriosae, anno domini ut supra. Nihilominus prohibuissent praedictos populos de Munera ab usu et perceptione utilitatum dictae particulae terrae violenta deductione feni ibidem falcati et congregati. Datum et anno domini ut supra.

Auf der Rückseite Adresse: Nobili viro et honesto Petro vicevaivodae Transsiluano pro honorabili capitulo Albensi contra dominum abbatem de Eggrus et universos populos de Munera inquisitoria et prohibitoria.


1) Vorlage: affugassent.^{^}