Urkunde Nr. 1182 aus Band II

Seite im UB:

580-581

Heute in:

Hermannstadt, Zentralarchiv der evangelischen Kirche A. B. in Rumänien

Heutige Signatur:

Abteilung 6: Sammlungen / Selecta, Best. 610 (Urkunden von Behörden und Gemeinden) Nr. 19.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1182

1383 Juli 22 Das Grosswardeiner Kapitel schaltet die Urkunde der Königin Maria von 1383 Nr. »1180 ein und berichtet der Königin, dass Bischof Goblinus und Genossen in den Besitz von Hamlesch, Grossdorf, Grabendorf, Budenbach und Krebsbach eingeführt worden sind.

Serenissimae principi dominae Mariae dei gratia Hungariae, Dalmaciae, Croaciaeque et cetera reginae illustri dominae nostrae capitulum ecclesiae Waradyensis orationum suffragia cum perpetua fidelitate. Noverit vestra excellentia, quod nos literas vestrae maiestatis reverenter recepimus in haec verba. (Folgt die Urkunde der Königin Maria von 1383 Nr. »1180.) Nos itaque mandatis vestrae serenitatis cupientes obedire ut tenemur, una cum praedicto magistro Stephano filio Lucae de Dyogh homine vestro nostrum hominem virum discretum magistrum Johannem de Posega socium et concanonicum nostrum ad praemissarum possessionum introductionem et statutionem faciendam duximus pro testimonio destinandum. Qui demum ad nos exinde reversi nobis concorditer retulerunt, quod ipsi Sabbato proximo ante festum beatae Margarethae virginis et martyris¹⁾ ad faciem praedictae possessionis Omlas in terra vestra Transsiluana et inter sedes vestras regales Cibyniensem scilicet et Zeredahel situatae ac quatuor villarum Olachalium Grozdorph alio nomine Galusdorph, Graphyndorph, Budynbach, Crypzbah vocatarum, ad eandem possessionem pertinentium vicinis et commetaneis earundem inibi legitime convocatis et praesentibus accedentes praefatum dominum Gublinum episcopum Transsiluanum ac discretum virum dominum Leonem archidiaconum Albensem in praedicta ecclesia Transsiluana cathedralem necnon magistros Henchmannum et Christianum fratres ac nobiles dominas Katherinam et Dorotheam sorores et nobilem puellam Katherina vocatam neptem eiusdem domini Goblini episcopi in dominium earundem possessionum induxissent et easdem sibi ac fratribus, sororibus et nepti eiusdem domini episcopi veris metis et antiquis cum omnibus earum utilitatibus et pertinentiis universis terris scilicet, aquis, silvis, fenetis, pratis, molendinis et locis eorum ac omnium utilitatum integritatibus statuissent titulo praemissae vestrae serenitatis novae donationis, et commisissent perpetuo possidendas, tenendas pariter et habendas nemine contradictore praescriptis vestrae maiestatis et [S. 581] nostro hominibus inibi in facie dictarum possessionum quatuor diebus continuis legitime commorantibus penitus apparente. Datum in festo beatae Mariae Magdalenae, anno domini supra dicto.


1) Juli 11.^{^}