Urkunde Nr. 1186 aus Band II

Seite im UB:

586-587 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1186

1384 Januar 25 Das Weissenburger Kapitel beglaubigt für die Stadt Klausenburg die Urkunde des Königs Ludwig I. von 1378 [S. 587] Nr. »1097, betreffend die Jahres- und Kriegssteuer und die Bewirtung des Woiwoden.

Capitulum ecclesiae Transsiluanae omnibus Christi fidelibus praesens scriptum inspecturis salutem in omnium salvatore. Ad universorum notitiam tam praesentium quam futurorum harum serie volumus pervenire, quod discretus vir dominus Valentinus socius et concanonicus noster et plebanus de Clusuar ac Nicolaus filius Thomae iudex necnon Hernicus notarius civitatis eiusdem ad nostram personaliter accedendo praesentiam suis ac universorum seniorum civium de eadem in personis exhibuerunt nobis quasdam literas privilegiales serenissimi principis domini Lodouici felicissimae recordationis quondam regis Hungariae tenoris infra scripti, supplicantes nobis humili precum cum instantia, ut easdem in formam literarum privilegialium de verbo ad verbum transcribi et redigi pendentique et authentico sigillo nostro communiri facere dignaremur pro eisdem ad cautelam. Quarum tenor per omnia talis est. (Folgt die Urkunde des Königs Ludwig 1. von 1378 Nr. »1097.) Nos itaque iustis et legitimis petitionibus praedictorum domini Valentini plebani et Nicolai iudicis necnon Hernici notarii civitatis supra dictae annuentes easdem literas privilegiales in formam literarum nostrarum privilegialium praesentibus de verbo ad verbum transcribi et redigi pendentisque et authentici sigilli nostri munimine consignari fecimus pro eisdem ad cautelam. Datum in festo conversionis beati Pauli apostoli, anno domini M^o. CCC^mo. LXXX^mo. quarto. Discretis viris Ladizlao praeposito doctore decretorum, Ladizlao cantore, Petro custode et decano canonicis ecclesiae nostrae praedictae existentibus.


a) Seitenumbruch im Kopfregest.^{^}