Urkunde Nr. 1777 aus Band III

Seite im UB:

668-669 ^a)

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1777

Hermannstadt 1415 September 23 Nikolaus, Woiwode von Siebenbürgen, sichert den Wöbern den Schutz ihrer Rechte zu, betreffend ihre Abgaben an die Burg Kokelburg und an die Stephanskirche in Kokelburg.

Nos Nicolaus de Chaak vaivoda Transsiluanus et comes de Zolnuk memoriae commendamus universis quibus expedit, quod vir providus Martinus Gereb de possessione Wewlcz nostrum personaliter veniens in conspectum curavit nobis significare, quomodo populi et iobagiones in eadem Wewlcz residentes et commorantes infra temporum iam elapsorum spatia de vineis ipsorum in territorio et tenutis castri Kykellewar existentibus et plantatis dicto castro per consequensque castellanis ibidem pro tempore constitutis singulis annis non plus nisi decem florenos novos et duo vasa vini, quodlibet vas octuaginta hydrias²⁾ seu urnas vinorum in se continens, ac ecclesiae sancti regis Stephani in eadem Kykellew constructae³⁾ quadraginta libras cerarum solvere soliti fuissent et consueti. Super quibus supplicarunt nobis prece subiectiva, quatenus ipsos in eisdem libertatibus, quibus hactenus usi fuissent et gavisi, conservare dignaremur. Quorum supplicationibus benigne inclinati, ut sicut ipsi numero ita et locupletatione augerentur, concessimus eisdem annuentes, ut tamdiu donec serenissimus dominus Sigismundus dei gratia Romanorum rex semper augustus ac Hungariae et cetera rex dominus noster gratiosissimus in regnum suum Hungariae regressum habuerit et aliter super hoc deliberaverit, prout suae videbitur maiestati, in eisdem libertatibus pacifice et quiete uti possint et valeant congaudere. Mandantes nihilominus castellanis nostris in castro Kykellewar praedicto constitutis nunc et constituendis in posterum, ut eosdem populos de dicta Wewlcz contra huiusmodi annuentiae nostrae concessionis libertatem ac indulsionem [S. 669] impedire non valeatis et neque valeant sive praesumant modo aliquali ad maiora solvendum eosdem compellere.¹⁾ Praesentes post lecturam praesentanti restituendum.²⁾ Datum in Cybinio, feria secunda proxima post festum sancti Mathei apostoli, anno domini millesimo quadringentesimo quindecimo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2-3 auf S. 668 (1 zu voranstehender Urkunde), 1-2 auf S. 669 (dortige 3-4 zu nachfolgender Urkunde).^{^}
[S. 668]
2) Vorlage: idrias.^{^}
3) Vorlage: constructis.^{^}
[S. 669]
1) Vorlage: compellend [Abkürzungsstrich über Wortende].^{^}
2) So Vorlage.^{^}