Urkunde Nr. 1909 aus Band IV

Seite im UB:

160-161

Druckvorlage:

nach Original

Abdruck als:

Volltext

Sprache:

Latein

---

1909

Grosswardein 1422 Juni 4 König Sigmund beglaubigt die Urkunde des Woiwoden Nikolaus von 1422 Nr. »1905 enthaltend die Urkunde dieses Woiwoden von 1415 Nr. »1777 über die Abgaben der Bewohner von Wölz von ihren Äckern auf Kokelburger Gebiet an die Kastellane von Kokelburg und an die dortige Stephanskirche.

[S. 161] Nos Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex memoriae commendamus per praesentes, quod fidelis noster providus Arnoldus Remer iuratus senior nostrae villae regalis Welcz vocatae partium nostrarum Transsiluanarum sua ac ceterorum coniuratorum seniorum totiusque communitatis ipsius villae personis nostri adiens culminis conspectum exhibuit nobis quasdam literas fidelis nostri dilecti magnifici Nicolai de Chaak praedictarum nostrarum Transsiluanarum partium vaivodae et comitis de Zalnuk patenter emanatas tenoris infra scripti supplicans celsitudini nostrae humili precum instantia, quatenus easdem de verbo ad verbum transcribi et transsumi nostrisque literis similiter patentibus inseri facere dignaremur uberiorem iuris eorum ad cautelam. Quarum tenor talis est. (Folgt die Urkunde des Woiwoden Nikolaus von 1422 Nr. »1905, enthaltend die Urkunde dieses Woiwoden von 1415 Nr. »1777.) Unde nos supplicationibus praefati Arnoldi Remer per ipsum maiestati nostrae nominibus quibus supra humiliter oblatis regia benignitate exauditis praedictas literas antefati Nicolai vaivodae et comitis de verbo ad verbum sine diminutione et augmento transcribi et transsumi praesentibusque literis nostris similiter patentibus inseri fecimus uberiorem iuris eorum ad caulelam. Datum Waradini, quinto die festi Penthecostes, anno domini millesimo quadringentesimo XX^o secundo, regnorum nostrorum anno Hungariae XXX^o sexto, Romanorum duo decimo, Bohemiae secundo.