Urkunde Nr. 1358 aus Band III

Seite im UB:

147-148 ^a)

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 27.

Druckvorlage:

nach Original

Abdruck als:

Volltext

Sprache:

Latein

---

1358

Klausenburg 1395 März 25 König Sigmund verleiht Thomas, dem Pleban von Kronstadt, und Genossen die Besitzung Tohan gegen die Verpflichtung zu einer an den Kastellan von Törzburg zu entrichtenden Abgabe.

Von der Kanzlei: Propria commissio domini nostri regis.

Nos Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera memoriae commendamus tenore praesentium significantes quibus expedit universis, quod discretus vir Thomas plebanus ecclesiae Brassouiensis ac Johannes, Jacobus et Cristianus filii quondam Mathiae necnon Anthonius filius Mychaelis de sancta Agata cives de dicta Brassouia necnon Nicolaus filius Herbordi comes de Feketehalm²⁾ nostrum regium adeuntes conspectum ipsorum fidelibus servitiis nobis per eos tempore et loco opportunis exhibitis in reminiscentiam nostrae celsitudinis reductis quandam possessionem nostram regalem Toha ³⁾ appellatam, [S. 148] ad castrum nostrum Terch vocatum spectantem, in districtu Brassouiensi situatam a nobis sibi perpetuo dari et conferri postularunt. Nos igitur consideratis fidelitatibus et fidelium servitiorum meritis ipsorum Thomae plebani necnon Johannis, Jacobi et Cristiani ac Anthonii et Nicolai, quibus ipsi assidue studuerant et nunc anhelant ferventius in futurum toto posse nobis et sacro nostro regio diademati complacere, volentes igitur praemissorum intuitu ipsis favore occurrere gratioso praefatam possessionera nostram regalem Toha¹⁾ vocatam a dicto castro nostro segregantes cum omnibus suis utilitatibus et pertinentiis universis signanter terris cultis et incultis, montibus, silvis, nemoribus, aquis, molendinis, pratis, pascuis et generaliter quibusvis commoditatum integritatibus sub suis veris et antiquis metis et terminis, quibus eadem²⁾ ab olim usa fuit et possessa, de nostris regiis manibus nostraeque novae donationis titulo et omni eo iure, quo eadem ad nostram rite pertinere dignoscitur collationem, de praelatorum et baronum nostrorum consilio ex certaque nostrae maiestatis scientia eisdem Thomae plebano necnon Johanni, Jacobo, Cristiano ac Anthonio et Nicolao eorundemque Johannis, Jacobi, Cristiani ac Anthonii et Nicolai duntaxat heredibus et posteritatum ipsorum cunctis sobolibus sub tali conditione, ut ipsi et eorum successiva posteritas praefato castro nostro Terch seu eius castellano pro tempore constituto decem florenos auri circa festum sancti Georgii et totidem decem florenos auri circa festum sancti Mychaelis archangeli singulis annis effective administrare teneantur et sint obligati, dedimus, donavimus et contulimus, immo damus, donamus et in aevum conferimus per ipsos Thomam plebanum necnon Johannem, Jacobum, Cristianum, Anthonium et Nicolaum eorundemque Johannis, Jacobi, Cristiani, Anthonii et Nicolai, solummodo heredes perpetuo et irrevocabiliter tenendam, possidendam pariter et habendam³⁾ hoc tamen specifice et expresse declarato, quod tertia recta pars ipsius possessionis Toha memoratis Thomae plebano ac Johanni, Jacobo et Cristiano suis fratribus eorundemque⁴⁾ fratrum suorum duntaxat heredibus, alia vero tertia pars annotato Anthonio et suis heredibus et reliqua aequalis tertia pars annotato Nicolao et similiter suis heredibus cedere debeat et redundari patrocinio praesentium mediante, sine duntaxat iure alieno. Praesentes tandem nobis in specie allatas in formam nostri privilegii redigi faciemus pro eisdem. Datum in Koloswar, in festo annunciationis virginis gloriosae, anno domini M^mo CCC^mo LXXXX^mo quinto. [S. 149]

Unter dem Siegel: Propria commissio domini nostri regis.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2-3 auf S. 147 (1 zu voranstehender Urkunde), 1-4 auf S. 148.^{^}
[S. 147]
2) 1406: Feketewhalm.^{^}
3) 1406: Thoha.^{^}
[S. 148]
1) 1406: Thoha.^{^}
2) ea auf Rasur.^{^}
3) Vorlage: habendis.^{^}
4) que in der Zeile nachgetragen.^{^}