Urkunde Nr. 1530 aus Band III

Seite im UB:

344-345 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1530

1405 Juni 28 König Sigmund bekräftigt für den Comes der Szekler Michael, Sohn Salomons von Nadesch, und Genossen die Urkunde des Königs Sigmund von 1403 Nr. »1496, ferner die Urkunde des Weissenburger Kapitels von 1404 Nr. »1505, mit der Urkunde des Königs Sigmund von 1403 Nr. »1497, betreffend Kleinmühlbach, Spring, Troschen und die zu Kleinmühlbach gehörigen Ortschaften.

Sigismundus dei gratia Hungariae, Dalmaciae, Croaciae, Ramae, Seruiae, Galiciae, Lodomeriae, Comaniae Bulgariaeque rex, marchio Brandemburgensis, sacri Romani imperii archicamararius, Bohemiae et Lucemburgensis heres omnibus Christi fidelibus praesentibus pariter et futuris praesentium notitiam habituris salutem in salutis largitore. Ordo suadet aequitatis et ad apicem pertinet regiae dignitatis, ut ea, quae digne sunt condonata et rite processerunt, illibate conserventur, et quae a suis fidelibiis iuste postulantur ad exauditionis gratiam admittantur. Proinde ad universorum notitiam harum serie volumus pervenire, quod fidelis noster dilectus magister Michael filius Salomonis de Nadasd³⁾ comes Siculorum nostrorum sua et alterius Michaelis filii Salomonis alterius, fratris sui patruelis de eadem in personis in nostrae celsitudinis veniens conspectum exhibuit nobis quasdam duas literas unam videlicet nostram patentem secreto sigillo novo nostro moderno consignatam super perennali collatione quarundam possessionum Kyssebes, Spryngh et Drassow vocatarum necnon aliarum quatuor villarum Volachicalium ad dictam possessionem Kyssebes spectantium, et aliam honorabilis capituli ecclesiae Albensis Transsiluanensis privilegialem super legitima statutione earundem pro ipsis rite factis confectas tenorum subsequentium, supplicans exinde nominibus quibus supra prece subiectiva maiestati nostrae humiliter et devote, ut easdem ratas, gratas et acceptas habendo nostrisque literis privilegialibus verbotenus inseri faciendo pro ipsis ac eorum heredibus innovantes perpetue valituras dignaremur confirmare. Quarum unius ut puta nostrae literae patentis tenor talis est. (Folgt die Urkunde des Königs Sigmund von 1403 Nr. »1496.) Alterius scilicet annotati capituli literae privilegialis tenor per omnia sequitur in haec verba. (Folgt die Urkunde des Weissenburger Kapitels von 1404 [S. 345] Nr. »1505, mit der Urkunde des Königs Sigmund von 1403 Nr. »1497.) Nos igitur humillimis et devotis supplicationibus ipsius magistri Michaelis nominibus quibus supra nostrae per ipsum prece subiectiva oblatis maiestati regia benignitate exauditis et clementer admissis praefatas binas literas nostram scilicet patentem ac annotati capituli privilegialem, non abrasas, non cancellatas nec in aliqua earum parte vitiatas sed prorsus omni suspicionis vitio destitutas,¹⁾ immo verae et merae veritatis integritate praepollentes praesentibusque de verbo ad verbum insertas quoad omnes earum continentias, articulos et clausulas acceptamus, approbamus et ratificamus, eas nihilominus requirentibus praemissis fidelium servitiorum meritis et sinceris complacentiis per eundem magistrum Michaelem nostro culmini et regio diademati temporibus semper et locis opportunis cum summa fidelitatis constantia et agilitate strenua iugiter et intrepide exhibitis et impensis regia auctoritate et potestatis plenitudine, ex certaque nostrae maiestatis scientia, praelatorum etiam et baronum nostrorum consilio praematuro ac uniformi decreto eorundem pro eodem magistro Michaele et altero Michaele fratre suo patruele ac eorum heredibus heredumque suorum successoribus et posteritatibus universis innovantes perpetue valituras confirmamus praesentis scripti nostri patrocinio mediante, salvo solummodo iure alieno. In cuius rei memoriam firmitatemque perpetuam praesentes concessimus literas nostras privilegiales pendentis et authentici sigilli nostri novi duplicis munimine roboratas. Datum per manus reverendissimi in Christo patris et domini, domini Eberhardi praemissa dei et apostolicae sedis gratia episcopi ecclesiae Zagrabiensis, aulae nostrae regiae summi cancellarii fidelis nostri et dilecti, anno domini millesimo quadringentesimo quinto, quarto Kalendas mensis Julii, regni autem nostri anno decimo septimo. Venerabilibus in Christo patribus et dominis Valentino tituli sanctae Sabinae sacrosanctae Romanae ecclesiae presbytero cardinali et ecclesiae Quinqueecclesiensis gubernatore, Johanne Strigoniensi, Colocensi sede vacante, Andrea Spalatensi et altero Andrea Ragusiensi archiepiscopis, Luca Waradiensi, Stephano Transsiluanensi, eodem domino Eberhardo Zagrabiensi, Agriensi sede vacante, Johanne Boznensi, Vesprimiensi sede vacante, Johanne Jauriensi, Waciensi et Nittriensi sedibus vacantibus, fratre Dosa electo Chanadiensi ecclesiarum episcopis ecclesias dei feliciter gubernantibus, Jadriensi, Sirimiensi, Traguriensi, Scardonensi, Tynimiensi, Nonensi, Macarensi, Farensi, Sibinicensi, Corbauiensi et Segniensi sedibus vacantibus. Necnon magnificis viris Nicolao de Gara praedicti regni nostri palatino, Johanne filio Herrici et Jacobo Lachk vaivodis nostris Transsiluanensibus, comite Frank filio quondam Koniae bani iudice curiae nostrae, Paulo Bysseno et altero Paulo de Pech Dalmaciae et Croaciae praedictorum ac totius Sclauoniae, Johanne de Maroth Machouiensi banis, honore banatus Zeuriniensis vacante, Nicolao Trewtul de Newna tavarnicorum et comite de Posega, Symone filio dicti quondam Koniae bani ianitorum, Martino Ders dapiferorum, Laurencio de Thary pincernarum, Petro Cheh agasonum nostrorum magistris, Smilone de Wethau, comite Posoniensi aliisque quampluribus regni nostri comitatus tenentibus et honores. [S. 346]


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 3 auf S. 344 (1-2 zu voranstehender Urkunde), 1 auf S. 345.^{^}
[S. 344]
3) So Vorlage.^{^}
[S. 345]
1) Vorlage: destinctas.^{^}