Urkunde Nr. 1561 aus Band III

Seite im UB:

400-401

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 92.

Druckvorlage:

nach Original

Abdruck als:

Volltext

Sprache:

Latein

---

1561

Ofen 1406 April 7 König Sigmund bestätigt für die Stadt Hermannstadt die Urkunde des Königs Ludwig I. von 1373 Nr. »1002 enthaltend die Urkunde des Königs Ludwig I. von 1372 Nr. »994, betreffend den Handel der Hermannstädter nach Wien auf der Stuhlweissenburger oder einer beliebigen andern Strasse.

Nos Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera, sacri Romani imperii vicarius generalis et regni Bohemiae gubernator memoriae commendamus per praesentes, quod fideles nostri Jacobus alias proconsul et Johannes Ferl modernus proconsul civitatis nostrae Cibinyensis partium nostrarum Transsiluanarum in suis ac iudicis, iuratorum consulum seniorum et universorum civium ipsorum et aliorum fidelium hospitum nostrorum civitatis nostrae Cibinyensis [S. 401] praedictae personis et nominibus ad nostrae maiestatis venientes conspectum exhibuerunt nobis quasdam literas patentes quondam domini Lodouici regis maiori authentico sigillo suo a tergo consignatas tenorem literarum eiusdem similiter patentium super quadam eorum libertatis praerogativa ipsis per eundem concessa emanatarum confirmative in se habentes tenoris infra scripti. Supplicantes exinde nostro culmini humiliter et devote, ut easdem ratas, gratas et acceptas habendo nostrisque literis similiter patentibus verbotenus inseri faciendo pro dictis civibus ante fatae¹⁾ civitatis nostrae Cibinyensis innovare dignaremur et confirmare. Quarum tenor talis est. (Folgt die Urkunde des Königs Ludwig I. von 1373 Nr. »1002 mit der Urkunde des Königs Ludwig I. von 1372 Nr. »994.) Nos igitur humillimis et devotis praefatorum Jacobi et Johannis supplicationibus nostrae per eos et aliorum quorum supra nominibus subiective oblatis maiestati regia pietate exauditis et clementer admissis praefatas literas patentes praefati quondam domini Lodouici regis non abrasas, non cancellatas nec in aliqua earum parte vitiatas sed omni prorsus suspicionis vitio carentes praesentibus nostris literis modo simili patentibus de verbo ad verbum insertas quoad omnes earum continentias, clausulas et articulos ratas, gratas et acceptas habentes pro ante fatis civibus et hospitibus praescriptae civitatis nostrae Cibinyensis innovamus et perenniter valituras confirmamus praesentis scripti nostri patrocinio mediante. Datum Budae, feria quarta proxima ante festum Passcae domini, anno eiusdem millesimo quadringentesimo sexto.


1) Vorlage: fat [Abkürzungssstrich über t].^{^}