Urkunde Nr. 1002 aus Band II

Seite im UB:

402

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U.I (Inventar 25), Nr. 29.

Druckvorlage:

nach Original

Abdruck als:

Volltext

Sprache:

Latein

---

1002

Wissegrad 1373 März 15 König Ludwig I. bestätigt seine Urkunde von 1372 Nr. »994, betreffend den Handel der Hermannstädter nach Wien auf der Stuhlweissenburger oder einer beliebigen andern Strasse.

Von der Kanzlei: Relatio dominorum Emerici palatini et Stephani vaivodae.

Nos Lodouicus dei gratia rex Hungariae, Poloniae, Dalmaciae et cetera significamus tenore praesentium quibus expedit universis, quod Michael Seudeur et Nicolaus dictus de Beech seniores cives nostri fideles de Cybinio in suis necnon fidelium civium et hospitum nostrorum de eodem personis nostrae serenitatis adeuntes conspectum exhibuerunt nobis quasdam literas nostras patentes secreto et rotundo nostro sigillo consignatas super quadam eorum libertatis praerogativa ipsis per nos concessa emanatas tenoris subsequentis, supplicantes culmini nostro regio precibus humillimis et devotis, ut easdem ratas, gratas et acceptas habendo et praesentibus nostris literis patentibus inseri faciendo pro ipsis fidelibus civibus nostris dignaremur confirmare. Quarum tenor talis est. (Folgt die Urkunde des Königs Ludwig I. von 1372 Nr. »994.) Nos itaque favorabilibus, iustis et honestis supplicationibus praefatorum civium nostrorum Cybiniensium regia pietate exauditis et admissis praetactas literas nostras omni prorsus suspicione carentes et ex nostri reminiscentia emanatas praesentibus de verbo ad verbum insertas quoad omnes sui continentias et clausulas ratas, gratas et acceptas habentes pro praetitulatis fidelibus nostris et devotis civibus et hospitibus de Cybinio duximus perenniter confirmandas praesentium sub nostrae maiestatis testimonio literarum, quas in formam nostri privilegii redigi faciemus, dum nobis fuerint reportatae. Datum in Wissegrad, feria tertia proxima post dominicam Reminiscere, anno domini millesimo trecentesimo septuagesimo tertio.

Unter dem Siegel: Relatio dominorum Emerici palatini et Stephani vaivodae¹⁾.


1) Zweites Original: Relatio dominorum Stephani vaivodae et Emerici palatini.^{^}