Urkunde Nr. 2899 aus Band V

Seite im UB:

435-436

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 1253 - Abt.42: K. A. Stolzenburg [Parohia Ev. CA Slimnic], Nr. 17.

Druckvorlage:

nach Original

Abdruck als:

Volltext

Sprache:

Latein

---

2899

Hermannstadt 1454 Februar 24 Das Hermannstädter Kapitel schaltet die Urkunde der Sieben Stühle von 1346 Nr. »616 ein und setzt die Abgaben, welche die Stolzenburger für den von ihnen benützten Teil des Burgerfeldes an die Salzburger Kirche zu entrichten haben, auf jährlich 25 Malter herunter.

Ne ea quae fiunt²⁾ in tempore simul cum tempus evanescit a memoria hominum diffuse elabescant, necesse est haec ipsa aeternitatis munimine literarum firmiter roborari. Proinde nos Valentinus decanus Cibiniensis³⁾ necnon plebanus de Schellenberg⁴⁾ significamus tenore praesentium recognoscentes omnibus et singulis quibus incumbit et universis, quod cum nobis die datarum praesentium simul cum assessoribus⁵⁾ nostris ecclesiarum parochialium capituli nostri Cibiniensis³⁾ rectoribus et plebanis more solito nostro in consistorio pro tribunali consedentibus in civitate Cibiniensi⁶⁾ erigens se e medio nostri honorabilis vir dominus Sigismundus de Salisfodio⁷⁾ plebanus cum suis iuratis senioribus Johanne Keuffman⁸⁾, Johanne Beulger⁹⁾, Ladislao Schuller, Mathia Beulger⁹⁾ Johanne Lyze¹⁰⁾ et Daniele vitrico¹¹⁾ proposuit contra et adversus honorabilem virum dominum Johannem plebanum de Stolcenburg¹²⁾ et seniores de eadem puta Johannem Hilsmer¹³⁾, Valentinum Gefard villicum, Egidium Arnold¹⁴⁾, Georgium Busnard¹⁵⁾, Martinum Schilles¹⁶⁾ et Cristannum Geobill¹⁷⁾ nominibus et in personis totius communitatis de ipsa Stolczenburg¹²⁾, quomodo ipsi octuaginta maldrata et duos cubulos frugum ecclesiae parochiali in Salisfodio secundum contenta in eorum antiquis privilegiis de quadam particula territorii videlicet Burgerfeld¹⁸⁾ nuncupata rite legitimeque obligarentur, quas fruges in duobus annis retrolapsis minime dedissent nec dare curassent¹⁹⁾, de praesenti petentes non debita cum instantia, quatenus eosdem ad satisfactionem frugum praedictarum iuris ordine compellere dignaremur exhibentes nobis insuper literas privilegiales sigillo provincialium septem sedium Saxonicalium harum partium Transiluanarum huius sub tenore. (Folgt die Urkunde der Sieben Stühle von 1346 Nr. »616). Ex adverso vero annotatus dominus Johannes plebanus et seniores de Stolczenburg²⁰⁾ allegando paupertatem eorum villae desolationem et decrementum se utique praenarratas fruges nullomodo dare posse et expedire flagitantes nos per obnixe quatenus eandem summam frugum per nostri medii interpositionem moderare dignaremur. Nos vero prout tenemur animadvertenles²¹⁾ ipsorum inopiam et villae desolationis decrementum propensius considerantes egregium et prudentes ²²⁾ viros Johannem Lemmel, comitem Cibiniensem²³⁾, Laurencium Turold²⁴⁾, iudicem sedis, Nicolaum Ruese ac²⁵⁾ Michaelem²⁶⁾ Aurifabrum iuratos consilii necnon magistrum Vrbanum notarium Cybinii²³ in adiutorium nobis assumentes causam praehabitam per praedictas partes in nostras manus sponte deliberati bonaque²⁷⁾ voluntate resignatam mancipantes, amicabili compositione per nos interveniente hocmodo complanare, concordare, sedare, componere et moderare curantes modo quo potuimus diligentiori, quod praedictus populus de Stolczenburg²⁸⁾ de praescripta particula territorii puta Burgerfeld²⁹⁾ nuneupata singulis futuris annis temporibus etiam coaeternis viginti quinque maldrata³⁰⁾ frugum cum quibus particula territorii Burgerfeld²⁹⁾ per eosdem fuerit ad seminandum deputata sive seminaverit sive non ecclesiae parochiali in ³¹⁾ Salisfodio³²⁾ dare debeant [S. 435] et teneantur, tertio anno dempto, qui Brachfeld³³⁾ materna lingva appellatur, decimas etiam consuetas plebano inibi pro tempore constituto pari voto deponant prout deponere hactenus consueverunt absque aliquali dirruptione³⁴⁾. Cuius contrarium in memoria hominum non comperimus cetera vero cum suis clausulis in praescripto privilegio contenta iuxta vim, formam et tenorem eiusdem volumus partibus ab utrisque firmiter irrevocabiliter et inviolabiliter perpetueque observari. In huius rei memoriam firmitatemque perpetuam praesentes sub pendenti sigillo nostri decanatus³⁵⁾ duximus fore fulciendas³⁶⁾. Datum in Cibinio in festo sancti Mathiae apostoli, anno domini millesimo quadringentesimo quinquagesimo quarto .


1) Im Original verwischt.^{^}
2) 1469 sunt.^{^}
3) 1469 Cybiniensis. [2x]^{^}
4) 1469 Schellemberg.^{^}
5) 1469 nostris assessoribus.^{^}
6) 1469 Cybiniensi.^{^}
7) 1469 plebanus de Salisfodio.^{^}
8) 1469 Kaufman. ^{^}
9) 1469 Bolger. [2x]^{^}
10) 1469 Lyz.^{^}
11) 1469 Hierauf ecclesiae.^{^}
12) 1469 Stolczmburg. [2x]^{^}
13) 1469 Hytsuder.^{^}
14) 1469 Arnolt.^{^}
15) 1469 Buznart.^{^}
16) 1469 Schylez.^{^}
17) 1469 Gobel.^{^}
18) 1469 Burgerfelt. ^{^}
19) 1469 curarent.^{^}
20) 1469 Stolczmburg.^{^}
21) 1469 animadvertenten. ^{^}
22) 1469 prudentem.^{^}
23) 1469 Cybiniensem. [2x]^{^}
24) 1469 Twrolt.^{^}
25) 1469 fehlt ac.^{^}
26) 1469 Melchiorem.^{^}
27) 1469 deliberateque bona.^{^}
28) 1469 Slolczmburg.^{^}
29) 1469 Burgerfelt. [2x]^{^}
30) 1469 matdrada.^{^}
31) 1469 Fehlt in.^{^}
32) 1469 Salisfodii.^{^}
33) 1469 Brochfelt.^{^}
34) 1469 diminutione.^{^}
35) 1469 praesentes sigillo decanatus nostri pendenti.^{^}
(36) 1469 muniendas.