Urkunde Nr. 3767 aus Band VI

Seite im UB:

433-435

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 1254 - Abt.42: K. A. Stolzenburg [Parohia Ev. CA Slimnic], Nr. 18.

Druckvorlage:

nach Original

Abdruck als:

Volltext

Sprache:

Latein

---

3767

Hermannstadt 1469 Dezember 8 Die Sieben Stühle beglaubigen die Urkunde König Matthias von 1469 Nr. »3749 und die Urkunde des Hermannstädter Kapitels von 1454 Nr. »2899 mit der Urkunde der Sieben Stühle von 1346 Nr. »616 und berichten, dass sie die Grenzbegehung zwischen Stolzenburg und Salzburg durchgeführt und den strittigen Hattertteil den Stolzenburgern zugesprochen haben.

Nos Nicolaus Aurifaber¹⁾ magister civium, Ladislaus Haan regius, Bartholomeus Hutter terrestris iudices, Nicolaus Czyglewer, Georgius Sartor, Thomas Altenberger, Nicolaus Croner, Benedictus Carnifex, Petrus Fybesch, Leonardus Pellifex, Stephanus Moler cives iurati civitatis Cibiniensis, Lucas Pellifex magister civium, Andreas W a l villicus civitatis Segeswariensis, Georgius Thabyasy de Etzel, iudex regius sedis Schenck, Melchior Aurifaber regius, Johannes Heltner terrestris iudices sedis Rwesmarg, Johannes Haz iudex regius, Laurencius Sartor iuratus civis de Mullembach, Johannes Clare iuratus, Zallem Michael villicus de Rwppas, Zyffridus locumtenens regii iudicatus, Johannes Beer terrestris iudex sedis Alczna, magister Mathias iudex regius, Mathias Schoffer iuratus de Broz unacum nostris sociis et iuratis senioribus septem sedium Saxonicalium partium Transsilvanarum praesentium tenorem universorum volumus in notitiam tam praesentium quam futurorum devenire. Quod cum nos in praesenti nostra generali congregatione pariter hic Cybinii pro quibusdam certis arduis et rationalibus causis pertractandis fuissemus congregati venientes nostri in praesentiam providere²⁾ circumspectionis viri Egidius Orrinth villicus, Petrus Faber, Martinus Fwegendorffer, Symon Hoeckkerlin iurati seniores de villa regali Stolczmburg, unacum honorabili et providis viris domino Sigismundo plebano capitulique Cybiniensis decano, Johanne Lyz villico, Matheo Bolger, Andrea Crudner, Martino Carnifice iuratis de Salisfodio nominibus et in personis omnium hospitum atque incolarum villarum Stolczmburg et Salisfodii vocatarum praesentantes nobis villicus et iurati seniores de Stolczmburg quasdam literas praeceptoriales et mandatorias serenissimi principis domini Mathiae regis domini nostri gratiosissimi, in quibus eadem regia maiestas nobis universis iudicibus et iuratis senioribus septem et duarum sedium Saxonicalium partium Transsiluanarum firmissime mandavit, ut quasdam metas novas inter territoria hospitum de Stolczmburg et Salisfodio se invicem contingentia [S. 434] circa veteres et antiquas errigere et renovare deberemus. Quarum quidem literarum regalium tenor de verbo ad verbum is est: (Folgt die Urkunde König Matthias von 1469 Nr. »3749). Nos itaque huiusmodi literis domini nostri regis visis, auditis et plane intellectis nobis mandantes et praecipientes ipsis domino Sigismundo plebano nec non villico et senioribus de praefato Salisfodio coram nobis nominibus et in personis ut supra comparentibus literas serenissimi domini nostri regis legi et interpretari fecimus, qui tandem visis et intellectis mandatis domini regis diem debitum et terminum reambulationis et renovationis novarum metarum circa veteres inter huiusmodi territoria villarum Stolczmburg et Salisfodii mutuo animo bene praemeditato et deliberato coram nobis assumpserunt. Quo autem termino adveniente misimus nostro de medio nobiles et prudentes circumspectosque nostras coassessores Ladislaum Haan regium, Bartholomeum Hwtter terrestrem iudices, Georgium Sartorem, Benedictum Carnificem cives iuratos civitatis Cybiniensis, Georgium Thabyasy de Etzel regium iudicem sedis Schenck, Andream Wal villicum, Michaelem artium baccalaureum notarium civitatis Segeswariensis, Michaelem Zallm villicum de Rwppas, Johannem Greb de Prosdorff, Zyfridum locumtenentem iudicatus regii sedis Alczna, Laurencium Sartorem iuratum de Mwllembach, Mathiam Schoffner iuratum de Broz ad reambulandum et revidendum et metas novas circa veteres inter territoria villarum Stolczmburg et Salisfodii regium iuxta mandatum et literalia testimonia erigendo et renovando unacum praefatis Egidio Orrinth, Georgio Buznarth vitrico, Paulo Tristrim, Bartholomeo Walruff, Martino Fugendoffer, Georgio Hockerlin, Georgio Schaller, Petro Fabro villico iuratis senioribus de Stolczmburg nec non cum plerisque villicis et senioribus villarum coniacentium ipsorum commetaneis illac rogatis pro testimonio et petitis quorum nomina haec: Item Johannem Hannebecher, Johannem Gyrlach, Paulum Zybeck, Anthonium Henczman, Georgium Dengil de Grozschwrn, item de Hannebach Anthonium Wolff et Georgium Wolff, item de villa praepositurae Rwsyn vocata Michaelem Trasch villicum, Nicolaum Trasch, Michaelem Sartorem, Johannem Schwerner, item de villa Haschagen Martinum Gozwbel villicum, Gasparum Gozwbel, Jacobum Pellificem, item de villa Meldemberg Jacobum Gyrlach villicum, Johannem Francz, Stephanum Weys, Symonem Sartorem, Casparum Zachariam, Jacobum Sartorem. Cum autem nostri coassessores cum ipsis villico et senioribus de Stolczmburg et commetaneis eorundem iuxta mutuam inter populos villarum Stolczmburg et Salisfodii pari voto et concorditer assumptam territoriorum reambulationem et metarum novarum circa veteres errectionem illac ad ipsa territoria iuxta literarum iudicationem desuper sub sigillo decanatus Cybiniensis unanimiter venissent ipsi populi de Salisfodio nescitur quo sibi exquisito ingenio supterfugii illac venire neglexissent, nuntii tamen nostri maioris iustitiae ob cautelam et ex suprahabundanti ne regium apud nos factum mandatum quovismodo frustrari vel negeligi videretur vice replicata nuntios suos ad ipsos populos de Salisfodio transmisissent. Cum quibus nuntiis et praefatorum populorum de Salisfodio nuntii, videlicet Johannes Scheg iudex, Johannes Leys villicus, Johannes Magnus, Johannes Sutor, Johannes Carnifex, Jacob Lazel, Matheus Bolger nominibus et in personis omnium et singulorum hospitum de Salisfodio praefato illac ad ipsa territoria venissent quibus iterum literas domini nostri regis unacum quodam transsumpto dominorum decanatus Cybiniensis in cacumine primae metae unicuique apparente ad quam idem transsumptum manifeste iudicat legi et exponi de verbo ad verbum fecissent, quorum literarum transsumti tenor is est: (Folgt die Urkunde des Hermannstädter Kapitels von 1454 Nr. »2899 mit der Urkunde der Sieben Stühle von 1346 Nr. »616). Haec tamen cum ipsi nuntii populorum de Salisfodio vidissent, audivissent et intellexissent [S. 435] per quaedam ulteriora subterfugio se excusando dicentes non velle reambulare et novas metas circa veteres exigere nisi prius domini iudices ipsorum visitare possent. Nichilominus tamen unus ex ipsis de Salisfodio videlicet Johannes Longus discisset si utique iuxta mandatum domini nostri regis procedere vultis fiat. Igitur talis reambulatio et metarum erectio, ut tam nobis quam vobis aequa fiat iustitia. Nuntii itaque nostri id cum audissent et magis mandato domini nostri regis compulsi iuxta indicationem et manifestam probationem literalis testimonii territoria ipsa in prima meta, quae Czybinsrueck appelatur, reambulare et novas metas circa veteres erigere incepissent et circa primam metam commetaneos Groschwrn fide mediante contestari fecissent et sic consequenter iuxta literarum documenta probabilia circa singulas metas in literis expressatas ordinatim processissent usque ad fluvium Wyzaw vocatum per quasdam salices vulgo Zalwydenplock vocatas ambulassent ibique villicum et seniores de Meldemburg similiter conscientiose investigassent. Qui pari voto contestati fuissent, quod ab antiquo semper a parentibus eorum audissent, quod in tali loco ubi literae indicassent populi de Meldemburg pecora et iumenta suorum gregum sic citatis tempore cum licentia hospitum de Stolczmburg pro aquae usu ad bibendum ambegissent. Quibus itaque nostris coassessoribus et nuntiis ut praemittitur ad revidendum, reambulandum et novas metas circa veteres erigendum ad nos reversis et nobis omnia pari voto ut supra conscripta facta et gesta narrassent videlicet regium iuxta mandatum et literarum dominorum decanatus Cybiniensis iuxta continentias. Nos igitur his auditis et intellectis, quod ipsi nostri nuntii fidem, formam, viam antiquam regni atque patriae consuetudinem ad huiusmodi reambulationem et metarum iuxta veteres erectionem pertinentem in omnibus suis prosecutionibus et reambulationibus et metarum erectionibus una cum singulis commetaneis pro testimonio illac petitis et rogatis debite et legitime processissent, deum eiusque iustitiam nostris prae oculis statuentes ipsis populis de Stolczmburg iustitia suadente ad humiles atque intimas petitiones iurisque ipsorum uberiorem ad cautelam praesentes literas nostras recognitionis et fassionales sigillo nostro maiori provinciali et autentico appensione roboratas duximus elargiendas. Datum Cybinii feria sexta post festum beati Nicolai episcopi, anno domini millesimo quadringentesimo sexagesimo nono in congregatione nostra generali.
Auf der Rückseite von einer Hand des frühen 16. Jhs.: Litterae super pacto ex parte territorii Burgerfelt de ibidem vero vel afficto inter colonos possessionis de Zelyndeck parte ex una et alia Wyzackna.


1) Über der Zeile nachgetragen.^{^}
2) Hierauf 9 mm Rasur.^{^}