Urkunde Nr. 1894 aus Band IV

Seite im UB:

144-146

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 34.

Druckvorlage:

nach Original

Abdruck als:

Volltext

Sprache:

Latein

---

1894

Wissegrad 1421 August 10. ^a) König Sigmund bestätigt für die Deutschen von Winz die Urkunde König Ludwigs I. von 1359 Nr. »745 enthaltend die Urkunde Karl Roberts von 1310 Nr. »320 mit der Urkunde des Königs Stephan junior von 1265 Nr. »110 enthaltend die Urkunde des Woiwoden Laurentius von 1248 Nr. »84, ferner die Urkunde Ludwigs I. von 1342 Nr. »583 mit der Verleihung des Wald-, Weide- und Wasserrechtes an Winz nach dem Recht des Hermannstädter Gaues.

[S. 145] Nos Sigismundus dei gratia¹⁾ Romanorum rex semper augustus ac Hungariae, Bohemiae, Dalmaciae, Croaciae et cetera rex memoriae commendamus tenore praesentium significantes quibus expedit universis, quod fidelis noster dilectus providus vir Nicolaus iudex nostrae civitatis Alwyncz partium nostrarum Transsiluanarum nostrae maiestatis accedendo praesentiam sua ac universorum civium et hospitum praedictae nostrae civitatis personis et nominibus exhibuit nobis quasdam literas privilegiales quondam excellentissimi principis domini Lodovici eadem gratia incliti regis Hungariae, patris, soceri et praedecessoris nostri felicis recordii duplici suo sigillo olim in partibus Uzurae deperdito consignatas, habentes in se verbaliter confirmative seriem duarum literarum, unius quondam domini Karoli regis confirmantium tenorem literarum quondam domini Stephani iunioris regis Hungariae et ducis Transsiluani confirmatoriae super certis libertatibus in literis quondam Laurentii vaivodae Transsiluani et comitis de Walko contentis, per ipsum vaivodam praedictis civibus dictae civitatis nostrae Alwyncz concessis et per eundem dominum Stephanum regem serie dictarum literarum suarum confirmatoriarum roboratis et alterius eiusdem domini Lodovici regis patentis, promissionalium tenoris infrascripti, supplicans nobis humili precum instantia, ut easdem literas ratas, gratas et acceptas habendo nostrisque literis verbotenus inseri et inscribi faciendo pro eisdem nostris civibus et hospitibus perpetuo valituras innovare et roborare dignaremur uberiorem iuris eorum ob cautelam. Quarum tenor per omnia sequitur et est talis. (Folgt die Urkunde König Ludwigs I. von 1359 Nr. »745 mit den Urkunden von 1310 Nr. »320, 1265 Nr. »110, 1248 Nr. »84 und 1342 Nr. »583.) Nos igitur humilimis supplicationibus praescripti Nicolai iudicis in personis quibus supra nobis porrectis pie ex auditis et clementer admissis, praescriptas literas ipsius quondam domini Lodovici regis non abrasas, non cancellatas nec in aliqua sui parte vitiatas sed prorsus omni vitio et suspicionis scrupulo carentes, simul cum dictis libertatibus in tenoribus dictarum literarum ipsius Laurentii vaivodae in superioribus verbaliter conscriptarum contentis et specificatis, non obstante generali nostro decreto super revocatione et reprobatione dictorum sigillorum quondam domini Lodovici regis modo quo supra deperditorum ac literarum sub eisdem confectarum aliisque quibuslibet contrarium facientibus stabilito, praesentibus literis nostris privilegialibus sine diminutione et augmento aliquali insertas, pro eisdem nostris civibus et hospitibus de Alwynch perpetuo valituras innovantes et ratificantes duximus roborandas, immo innovamus, ratificamus et roboramus harum nostrarum, quibus sigillum nostrum secretum, quo nunc ut rex Hungariae utimur est appensum, testimonio literarum mediante. Datum in Wyssegrad in festo beati Laurentii martyris, anno domini [S. 146] millesimo quadringentesimo vicesimo primo, regnorum nostrorum anno Hungariae et cetera XXX^mo quinto, Romanorum undecimo et Bohemiae secundo.

Auf der Rückseite von einer Hand des frühen 16. Jahrhunderts: Literae privilegiorum Alwincz et Borberek Sigismundi regis.


a) Ausstellungsort im UB als: Plintenburg/Visegrád.^{^}

1) Bis hierher verlängerte Schrift.^{^}