Urkunde Nr. 2036 aus Band IV

Seite im UB:

340-341 ^a)

Druckvorlage:

nach Original

Abdruck als:

Volltext

Sprache:

Latein

---

2036

1428 April 10 Der Konvent von Kolozsmonostor beglaubigt die Urkunde König Ludwigs I. von 1369 Nr. »929, Rechte der Sachsen in den Stühlen Mediasch und Schelk betreffend.

Conventus monasterii beatae Mariae virginis de Clusmonostra omnibus Christi fidelibus praesentibus pariter et futuris praesens scriptum inspecturis salutem in omnium salvatore. Ad universorum tam praesentium quam futurorum notitiam harum serie volumus pervenire, quod magister Petrus Vngeller de Meggyes notarius duarum sedium eiusdem Meggyes et Selk vocatarum et comes Clemens de eadem Meggyes in ipsorum ac universorum Saxonum de eisdem sedibus Meggyes et Selk ac ad easdem pertinentium nominibus et personis nostram venientes in praesentiam exhibuerunt nobis quasdam literas et praesentarunt quondam serenissimi principis domini Lodouici dei gratia incliti regis Hungariae et cetera sub eiusdem pendenti ac duplici sigillo in corda sericea viridi coloris privilegialiter emanatas tenoris subsequentis petentes nos suis ac nominibus quibus supra, ut tenorem earundem de verbo ad verbum transscribi faceremus transscriptumque earundem similiter sub pendenti nostro sigillo ipsis dare dignaremur. Quarum tenor is est. (Folgt die Urkunde König Ludwigs I. von 1369 Nr. »929.) Nos itaque iustis et legitimis petitionibus praefatorum magistri Petri notarii et comitis Clementis immo verius iustitiae annuentes praescriptas literas privilegiales dicti quondam domini Lodouici regis de verbo ad verbum sine diminutione et augmento aliquali transscribi et praesentibus literis nostris similiter privilegialibus transsumi [S. 341] facientes transsumptumque earundem eisdem magistro Petro et comiti Clementi per consequensque dictis universis Saxonibus praefatarum duarum sedium sigillo nostro pendenti ac authentico munitas¹⁾ duximus concedendas iuris eorum uberiorem ad cautelam. Datum sabbato proximo ante dominicam Quasi modo geniti, anno domini millesimo quadringentesimo vigesimo octavo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 341 (dortige 2-3 zu nachfolgender Urkunde).^{^}

1) So Vorlage.^{^}