Urkunde Nr. 2035 aus Band IV

Seite im UB:

339-340

Druckvorlage:

nach Original

Abdruck als:

Volltext

Sprache:

Latein

---

2035

1428 April 10 Der Konvent von Kolozsmonostor beglaubigt die Urkunde König Sigmunds von 1387 Nr. »1217, enthaltend die Urkunde der Königin Maria von 1383 Nr. »1174 mit der Urkunde Ludwigs I. von 1369 Nr. »929, Rechte der Sachsen in den Stühlen Mediasch und Schelk betreffend.

Conventus monasterii beatae Mariae virginis de Clusmonostra omnibus Christi fidelibus praesentibus pariter et futuris praesentium notitiam habituris salutem in omnium salvatore. Quoniam antiquorum circa successorum adhibita profectibus sollicitudo literarum testimoniis in aevum reservatur temporumque successionibus humana sagacitas laudanda priorum acta eisdem lileralibus testimoniis invenit reservanda, proinde ad universorum tam praesentium quam futurorum notitiam harum serie volumus pervenire, quod magister Petrus Vngelter de Meggyes notarius duarum sedium eiusdem Meggyes et Selk vocatarum ac comes Clemens de eadem Meggyes in ipsorum ac universorum Saxonum de eisdem sedibus et ad easdem pertinentium nominibus et personis nostram venientes in praesentiam exhibuerunt nobis quasdam literas serenissimi principis et domini domini Sigismundi dei gratia Romanorum regis semper augusti ac Hungariae, Bohemiae, Dalmaciae, Croaciae et cetera regis, domini nostri naturalis, sub eiusdem maiori sigillo in pargameno patenter confectas et a tergo consignatas tenoris subsequentis petentes nos nominibus quibus supra debita cum instantia, ut tenorem earundem de verbo ad verbum transscribi et transsumi faceremus transscriptumque earundem nostro sub pendenti sigillo ipsis dare et concedere dignaremur. Quarum tenor is est. (Folgt die Urkunde König Sigmunds von 1387 Nr. Nr. »1217, enthaltend die Urkunde der Königin Maria von 1383 Nr. »1174 mit der Urkunde Ludwigs I. von 1369 Nr. »929.) Nos itaque iustis et legitimis petitionibus praefatorum magistri Petri notarii et comitis Clementis immo ve- [S. 340] rius iustitiae annuentes praescriptas literas dicti domini nostri Sigismundi regis de verbo ad verbum sine diminutione et augmento aliquali transscribi et praesentibus literis nostris privilegialibus transsumi facientes transscriptumque earundem et transsumptum eisdem magistre Petro et comiti Clementi per consequensque dictis universis Saxonibus praefatarum duarum sedium et ad easdem pertinentibus sigillo nostro pendenti ac authentico munitas¹⁾ duximus concedendum iuris eorum uberiorem ad cautelam. Datum sabbato proximo ante dominicam Quasi modo geniti, anno domini millesimo quadringentesimo vigesimo octavo.


1) So Vorlage.^{^}