Urkunde Nr. 545 aus Band I

Seite im UB:

495-496

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U.I (Inventar 25), Nr. 8.

Druckvorlage:

nach Original

Abdruck als:

Volltext

Sprache:

Latein

---

545

1338 April 16 Das Weissenburger Kapitel beglaubigt die Urkunde des Königs Karl von 1330 Nr. »473 mit der Urkunde desselben Kapitels von 1328 Nr. »461, beziehentlich der Urkunde des Königs Karl von 1328 Nr. »459 betreffend die der Hermannstädter Propstei gehörige Salzgrube in Salzburg.

Capitulum ecclesiae Transsiluanae omnibus Christi fidelibus praesens scriptum inspecturis salutem in salutis largitore. Mirabilis dispositio gratiae divinae defectui nostro gratiose providens nostram insufficientiam et animi defectum multimodis remediorum generibus voluit reparare et contra morbum ignorantiae ex ruina primi hominis nobis inflictum circa statum rei gestae codicillorum et scripturarum patrocinio consuluit succurrendum, et ideo salubris est adinventio, ut habitae rei series scripturarum testimonio commendetur, ne simul cum labili memoria res gesta elabatur. Hinc est igitur quod ad universorum notitiam tam praesentium quam futurorum harum serie volumus pervenire, quod discretus vir dominus Thomas praepositus Cybiniensis concanonicus noster ad nostram accedens praesentiam produxit et exhibuit coram nobis quoddam privilegium domini Karoli illustris regis Hungariae domini nostri super facto cuiusdam salifodinae in Wizakna existentis ad praeposituram Cybiniensem pertinentis confectum, petens nos cum [S. 496] instantia, ut, quia ipsum privilegium ad omnia loca ad quae necessario foret exhibendum propter pericula et discrimina viarum secum ferre in specie non auderet, tenorem eius nostris literis privilegialibus transsumi et transscribi faceremus et sigillo nostro pendenti communiri. Cuius quidem privilegii tenor talis est. (Folgt die Urkunde des Königs Karl von 1330 Nr. »473 mit der Urkunde desselben Kapitels von 1328 Nr. »461, beziehentlich der Urkunde des Königs Karl von 1328 Nr. »459.) Nos igitur petitionibus eiusdem domini Thomae praepositi iustis et legitimis annuentes ut tenemur, quia ipsum privilegium vidimus et reperimus non cancellatum, non abrasum, non abolitum aut in aliqua sui parte vitiatum, immo charta, cera, sigillo ac serico salvum et integrum et ab omni suspicione remotum praesentibus de verbo ad verbum transscribi fecimus et sigillo nostro pendenti communiri. Datum feria qiunta proxima post festum Passcae domini, anno eiusdem M^o. C^o. C^o. C^o. XXX^mo. octavo. Dominico praeposito, Santo cantore, Thoma custode et magistro Paulo archidiacono de Karazna decano ecclesiae nostrae existentibus.


a) Im UB Abbildung des Siegels des Weißenburger Kapitels im UB auf Tafel IV, Bild 16, unten als »Abb. ^{^}

Abb.