Urkunde Nr. 678 aus Band II

Seite im UB:

96-97 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.).

Druckvorlage:

nach Original

Abdruck als:

Volltext

Sprache:

Latein

---

678

1353 März 30 König Ludwig I. bestätigt für die Klausenburger die Urkunde des Königs Karl von 1336 Nr. »523 mit dessen Urkunde von 1331 Nr. »488 enthaltend dessen Urkunde von 1316 Nr. »346 , betreffend Steuerzahlung, Heeresfolge, Gerichtsbarkeit, Handel, Wahl und Besoldung des Pfarrers und Besitz von Ländereien.

[L]odouicus³⁾ dei gratia Hungariae, Dalmaciae, Croaciae, Ramae, Seruiae, Galliciae, Lodomeriae, Cumaniae Bulgariaeque rex, princeps Sallernitanus et honoris montis sancti Angeli dominus omnibus Christi fidelibus tam praesentibus quam futuris notitiam praesentium habituris salutem in omnium salvatore. Regiae sublimitatis immensitas, cuius est in subiectorum et populorum multitudine gloriari, solet suorum subditorum libertates a suis praedecessoribus benigniter praestitas confirmare, ut numerus populorum eius augeatur fruentium certa lege. Proinde ad universorum notitiam harum serie volumus pervenire, quod comes Dauid civis et Reymarus notarius civitatis nostrae de Kuluswar suis et universorum civium ac hospitum nostrorum de eadem Kwluswar vice et nominibus ad nostrae serenitatis accedentes praesentiam, exhibuerunt nobis quasdam literas privilegiales quondam excellentis et magnifici principis domini Karoli olim incliti regis Hungariae patris nostri carissimi beatae recordationis tertio et ultimo suo sigillo consignatas confirmantes literas patentes eiusdem, quae⁴⁾ privilegium ipsius patris nostri priori et antiquiori suo sigillo consignatum super libertatibus eorundem civium et hospitum nostrorum emanatum confirmative continebant, tenoris infra scripti, supplicantes nostro culmini prece subiectiva, ut ipsas simul cum libertatibus eorum expressis in eisdem ratas habendo acceptare, ratificare et pro eisdem nostro dignaremur privilegio confirmare. Quarum tenor talis est. (Folgt die Urkunde des Königs Karl von 1336 Nr. »523mit dessen Urkunde von 1331 Nr. »488 enthaltend dessen Urkunde von 1316 Nr. »346.) Nos itaque attendentes regiam maiestatem in multitudine populorum iocundari propositis petitionibus eorundem fidelium civium [S. 97] et hospitum nostrorum de Kulusuar, ut ipsi numero et fidelitate augeantur, favorabili pietate exauditis praedictas literas privilegiales ipsius patris nostri de verbo ad verbum praesentibus insertas simul cum omnibus libertatibus expressis in eisdem ratas habendo acceptamus, ratificamus et approbamus ac easdem quoad omnes continentias regia auctoritate perpetue confirmamus. In cuius rei memoriam perpetuamque firmitatem praesentes concessimus literas nostras privilegiales, pendentis et authentici sigilli nostri duplicis munimine roboratas. Datum per manus venerabilis in Christo patris domini Nicolai episcopi ecclesiae Zagrabyensis aulae nostrae vicecancellarii dilecti et fidelis nostri, anno domini M^o. CCC^mo. L^mo tertio, tertio Kalendas Aprilis, regni autem nostri anno duodecimo. Venerabilibus in Christo patribus et dominis Nicolao Strigoniensi loci eiusdem comite perpetuo, Dominico Spalatensi archiepiscopis, fratre Dyonisio archielecto Colocensi, Nicolao Agriensi, Demetrio Waradyensi, Andrea Transiluano, Colomano Jauriensi, Nicolao Quinquecclesiensi, Mychaele Wachyensi, Johanne Wesprimiensi, Thoma Chanadyensi, fratribus Thoma Syrimiensi, Stephano Nittriensi et Blasio Tininiensi ecclesiarum episcopis ecclesias dei feliciter gubernantibus. Magnificis baronibus Nicolao palatino et iudice Comanorum, Nicolao vaivoda Transilvano et comite de Zonuk, honore magistri tavarnicatus nostri vacante, comite Thoma iudice curiae nostrae, Dominico de Machow et Nicolao de Zeurino banis, Paulo magistro tavarnicorum reginalium, Olyuerio iudice curiae reginalis, Leukus dapiferorum et pincernarum, Dyonisio agasonum et Theuteus ianitorum nostrorum ac Johanne dapiferorum reginalis maiestatis magistris necnon Symone comite Posoniensi et aliis quampluribus regni nostri comitatus tenentibus et honores.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 3-4 auf S. 96 (1-2 zu voranstehender Urkunde).^{^}

3) Raum für L leer gelassen. ^{^}
4) Scilicet: literae patentes.^{^}